أمة الله بديعة
07.08.2019
نقدم ليكم ظƒظٹظƒطھظٹ المعتمدة عندي مكوناتها بسيطة و مذاقها لذيذ و منعش
المقادير
4 بيضات
100غ طحين
100غ زبدة مذوبة
150غ سكر كلاصي
500 ملل حليب
عصير 2 حامضات
قشور 2 حامضات
1 معلقة ماء
اللي ماعندهاش باش تحسب 500ملل حليب هاهو القياس بالكيسان
الطريقة
نفرق اصفر البيض عن الابيض. نطرب ابيض البيض على سرعة 7 لمدة 5 دقائق حتى يطلع
من بعد نضرب اصفر البيض مع السكر كلاصي و الماء على سرعة 6 لمدة 2 دقائق
نزيد الزبدة مذوبة وعصير الحامض و قشور الحامض و نطرب مزيان
نزيد الطحين ونخلط واحد 2 دقائق
ونبدا نزيد الحليب شوية ونخليه يطرب و نزيد شوية ونخليه يطرب وهكذا حتى نكمل كمية الحليب
نخفض السرعة ل 4 ونبدا نزيد ابيض البيض اللي طلعنا شوية بشوية ونطرب الكل لمدة 5 دقائق
حتى نحصلو على هاد الخليط
نخويها في مول ملبس بورق الطبخ وندخلها لفرن مسخن من قبل على عافية مهيلة شوية لمدة 50 دقيقة – في الفرن ديالي خداتلي تقريبا 40 دقيقة المهم على حسب الفرن ولكن ليس اكثر من 50 دقيقة-
ملي تخرج من الفرن نخليها تبرد شوية ونديرها فالثلاجة بالمول ديالها على الاقل 4 ساعات ومن الاحسن تبات فالثلاجة ونقلبها من بعد -الوجه ديالها هو اللي غادي يكون من التحت داكشي خاصها تقلب-
وهاهي واجدة كتجي طبقة رقيقة من المسكوتة لتحت و طبقة من الفوق بحال لفلون بمذاق الحامض اممممم
*ملاحظة: هاد المرة فوت ليها شوية الطياب -كنت غادي نساها فالفرن على شوية ههه ماديروش بحالي – حيت الطبقة ديال الفلون يعني الوجه خاص ميكونش محمر*
نتمنى تجربوها وتعجبكم
¨°o>O ( * ;d;jd fhgphlq g`d`m , lkuam *) O>o°¨ oo°¨ ¨°oo
تم النثبيت مع التقييم
المشاركة الأصلية كتبت بواسطة amouna12 
بارك الله فيك اختي
المشاركة الأصلية كتبت بواسطة نعمت 07 شكراااا ليك اختي ونتمنى تعجبك ونشوف تطبيقك
المشاركة الأصلية كتبت بواسطة nasamat ward لهلا يخطيك اختي
المشاركة الأصلية كتبت بواسطة نعمت 07 نصايب ليك وحدة اخرى لهلا يحوجك احبيبتي