وصفة منقولة:الدجاج المحمر على طريقة الاعراس

السلام عليكم
شكرا لجميع الأخوات الكريمات و اعتدر عن تأخري في إعطاء الوصفة
الطريقة
نأخذ الدجاج ونغسلوه بالملح و الحامض ونرقدوه في الخل
ثم نغسلوه بالماء ونخليوه يستقطر
دابا نمشيونصبو،نشرملو الدجاج بالثوم والقسبورمقطع رقيق+الابزار+سكين جبير+الخرقوم ونخليوه يشرب مزيان
كنشلضو 4بصلات كبار في طنجرة +قليل من العطرية المذكورة+كأس زيت+السمن+الربيع مربط+الماء+عود القرفة +القناصي+الزعفران الحر.
و نردوه على نار مهيلة. حتى يطيب،و نظيفو لب حامضة مصيرة مفرتة أو كنخرجوا الدجاج منَ الطنجرة و نخليو البصلةحتى طيب مزيان وتعسل و المرقة تنشف شويا تم نضيف الدجاج مرة اخرى باش يشرب و نحيدوهوم مرة اخرى تم نرميو الكبادي فالمرقة و نتركها حتى توقف و نحمرو الدجاج فالفران.
و نقدموه مع الزيتون الاحمر(و الاحمر ضروري) و قشرة حامضة مصيرة.
و بصحة و الراحة.

,wtm lkr,gm:hg][h[ hglplv ugn ‘vdrm hghuvhs lkr,gmhg][h[ hglolv