السلام عليكم ورحمة الله تعالى وبركاته هاد الوصفة خديتها من عند عشاب كبير حيت كنت امريضة دخلني ط§ظ„ط¨ط±ط¯ ملي اجهضت ومادرني الحال حتى دازت واحد ثلاثة ثهور ابدالي الالم افرجلي اليسرى وظهري وملي قتلو راني عايشة برا لبلاد قالي اتبعي هاد الصفة وخاتبقى عندك فالدار ابحال الخبز راه داويك وعمر ط§ظ„ط¨ط±ط¯ ماباقي يعرف ليك اطريق انا استعملت الوصفة غي شهرين والله الا عطات افضل النتائج ولكين كانت عندي شي ظروف مرضية واقطعتها ولكين حاليا ملي ابريت امعولة انبداها يله على بركة الله اولا غتشري كيلو تمر رابعة حلبة رابعة حب الرشاد وثمن ١٦٠ اديال السانوج وثلاثة اديال الكيسان اكبار زيت العود الحرة وثلاثة اديال الكيسان العسل الحر ماشي لمزور الحر ودابة غنكوليكم الطريقة واخا فيها اشوية الشرح والخدمة اولا كتقبضي الثمر واتحيديلو العلفة وتاخدي السانوج والحلبة وحب الرشاد واتخلطيهم ومن بعد اتعمري بيهم التمر وحتى الا شاط لك الخليط تاع الحلبة والسانوج وحب الرشاد غي خليه غنكولك اشديري ليه المهم كتاخدي ثوب اديال حياتي وافرشيه وسط الكسكاس واتحطي فيه التمر وداكشي لشاطلك من لعمارة تاع التمر دردريها فوق التمر وديري فالكدرة لتر ونصف من الماء وتغطي الكسكاس من الفوق ابميكة واتزيري مزيان حيت هداك البخار لي غيتلع مخصوش اضيع فالهوا واتخليهم اتفورو اشوية من بعد اتحيدي الخليط واتحطيه فشي كصعة ولكين متكونش حديد واتخوي على الخليط زيت العود واتعجنيه مزيان واترجعي الخليط عاوتلني لوسط الكسكاس اتفور اتفويرة الثانية وانفس الطريقة الاولى ومن بعد مايتفور اتحطيه عوتاني فالكصعة واتخوي اعليه العسل الحر واتعجنيه مزيان واترجعيه عاوتاني يتفور بنفس الطريقة الاولى والثانية وفالاخير ملي اتفور اتحطيه افشي ابلاستيكة ويبقى ديما فالثلاجة تاكلي منو يوميا فالصباح على الريق وفالعشا اقبل النعاس مقدار جوج معلقات فكل مرة وقبل ماانسى المراة الحاملة ماتصلحش ليها هاد الوصفة ومعلومة اخيرة ديما قبل ماتكال هاد الوصفة خصنا انبدوها من الثلا`جة قبل باش اتسخن اشوية وفالاخير كنتمنى اتجربوها وراه مغديش اتندموا وفي امان الله
,wtm tuhgm gugh[ hgfv] td [ldu hlh;k hg[sl hg[.x
عندي سوال بالنسبة للحلبة ياك ماكتكون رحتها مجهدة وشكرا
المشاركة الأصلية كتبت بواسطة loma 
عندي سوال بالنسبة للحلبة ياك ماكتكون رحتها مجهدة وشكرا
لا متكونش فيها الريحة بزاف حيت امفورة والله اشافي