واش قدرتي تنساي كيف كانت ولادتك الأولى كانت تجربة مخيفة

بسم الله
السلام عليكم البنات
بصراحة اكتشفت ان ميماتنا الله يسمح لينا منهم شحال قاساو وتعدبو في الولادة مازال هداك الوقت ماكان لبيغيديغال لا يديك لا يخليك حنا مازال موفر لينا كلشي الحمد لله ومازال ولدو وعودو ولدو انا نهار ولدت بنتي الخلعة والألم كتحسي انك كتقطعي واااااااااااااااااااااو هداك النهار عمرني نساه والله يلا باقا لحد الأن فيما نبغي نعس في الليل كنتفكر داك اليوم وكتشدني الخلعة دابا بنتي نسرين عندها ست شهور الله يحفظها ليا ويحفظ ليكم وليداتكم

---

,ha r]vjd jkshd ;dt ;hkj ,gh]j; hgH,gn j[vfm lodtm hgl,g] jk.hp

الله يخليها ليك اوتشوفيها كيبغيتي
دعي معانا نحملو حتا احنا وداك العذاب مرحبا بيه لهلا يحرم شي مسلمة
والله يسمح لينا من الوالدين

الله يخليلك نسرين وتشوفيها عروسة والله يسمحلنا من الوالدين

السلام عليكم ، أختي ضربتي على الوتر الحساس ههههههههههههههه ،أنا هادي عام وقيب شهرين باش ولدت بنتي ، والله كنتفكر الوحم والولادة كيف دازو ، المووووووت الكحلة والله ، وراني خايفة بززززززززززاف من التجربة مرة أخرى ، إذا غير تقيأت كنتفكر الوحم ، وغير يجيني الوجع ديال العادة الشهرية ، نتفكر الولادة ، وعاد هاد الشي مايوصلش حتى الربع من لي مريت بيه ، الله يسمح لينا من الواليدين ، والله يعطينا القوة والصبر باش نخوضو التجربة من جديد

شنو زعما كاتخلعو فينا حنا اللي كانتسناو ؟؟؟

حشومة عليكم ههههه

لا ماتخافيش نشالله كلشي يدوز على خير خلاتها واحد خالتي قالت ليا الله كيفك اليهودية والنصرانية عاااااااادا نتي اللي مسلمة ربي كيفك
اجي وانتي اش داك دخلي على الموضوع ولا غير حب استطلاع ههههههه غي كنضحك معاك

الله يرزقك الدرية الصالحة المعافاة ان شاء الله دابا يحين الوقت غير الإنسان يدير الأسباب

لله يختي عرني نسى ديك نهار لعداب شديد لله يسمح لينا تصوروا أنا أسبوع وأني نرد سنتا لورا فحال شي فيلم كيدوز قدمي وأني مقادش نحبسوو لله يسمح لينا من لولدين

انا حامل فالشهر الخامس والحمد لله وحمي كان دريويش وحتى الولادة رغم كل شي كنسمع بيه الا انني مخيفاش منها بالعكس متحمسة ليها وقررت نخليها ب اذن الله تجربة ممتعة

سبحان الله النسيان راه نعمة كبييييرة انا ملي ولدت ولدي الاول قلت هادي والتوبة عمري مانعاود باااااراكا عليا غير هو صاااافي ,, وماعرت منيييين انا دابا حاملة بالثاني وباغا غير امتا نولد ههههههه , ماتخافوش را مع الوقت كتنساي الألام و المعاناة وكتشتاقي لبيبي وداااائما ماتنساوش الدعاء ثم الدعاء باش الله يسهل عليكم الوحم والحمل والولادة والتربية وماتنساوش أن الجنة تحت اقدام الامهات