هاهما مخداتي والتاج بالتفاصيل مرحبا

السلام عليكم نتمنى تكونو بألف صحة و هناء
اليوم ان شاء الله نحط ليكم الكيك على شكل مخاد لي فاجأت بيها ضيوفي هاد السبت لي فات نتمنى تعجبكم

على بركة الله نبداو بتاج لأن كيحتج ينشف مزيان أويقساح
تصنعه بعجين السكر حيت تشكيليه كيفها حبيتي قطعة بقطعة وتتبيتها على شي زلفة أتناء إتشكيل وتلصقي بناتهم بعجينة تسكر مدوبة ف شوية الما
وتخليها ط تنشف مزيااااان شي 3 أيام كاع عاد تبداي تسبغيه وتزينيه حسب دقك
الكيك كل مخدة دارت فيها 2 الكبيرة دارت طبقة من نوع ريد فالفيت او تانية ديل شوكولا لدارت أم هداية ف هاد رابط ودوبلت المقادير
https://www.anaqamaghribia.com/vb/sho…575&highlight=

و القالب لي ستعملت متوفر في المحلات الخاصة بالحلويات لي معندهاش مشي مشكل الأخت هداية الله يجازيها حطات الطريقة في هاذ الرابطhttps://www.anaqamaghribia.com/vb/sho…d.php?t=293342

حتى نكمل إن شاء الله تصور انبدا نكتب طريقة والمقادير

هدو مراحل الكيك التانية

تتمة ان شاء الله
نسيت مقولتش أني دوبلت مقادير ريد فالفيت لي حتيت على جوج حتى هوما و فاش و جدات و بردات هي و كيك الشكلاط خليتهم فتثلاجة يشدو راسهم مزيان و بديت كنوجد فالكريم باش غنلاصقهم

مقادير الكريم:
گاناش مطرب ، المقادير لي درت فيه

227 غ شكلاط+180 غ قشدة الطرية السائلة+2 معالق كبار أو 28 غ زبدة

الطريقة: كنديرو القشدة على النار فاش تبدى تغلى نطفيو عليها و نضيفوها على الشكلاط لي كيكون مقطع رقيق قبل أو محكوك و نضيف الزبدة ونبداو نحركو بشوية حتى تنساجم العناصر بعد متبرد مزيان نطربوها حتى الحصول على كريمة،وحتى هاذ المقادير دوبلتهم كنت باغية الكيك تجي غنية ههههه

رجعت لي الكيك ديالي بجوج دهنت الأولى بالقشدة الطرية مطربة مع شوية السكر گلاصي ثم غطيتها بعجينة السكر بعد ماضفت ليها لون أحمر وحاولت بشوية حتى قلبتها بعد ماحطيت فوقها واحد طريف كرطونة دورت عليه بابي أليمنيوم

ثم دورت عليها كريم باتيسري عاد درت في الوسط الگناش و قاديتو مزيان

بعد ذلك و بشوية حطيت فوقها الكيك ديال الشكلاط ودهنتها نفس الشيء بالكريمة باش تساعد في تتبيت عجينة السكر

لي حتى هي باللون الأحمر و زوقتها بنوع من البلاستك كيتباع و كاينين أنواع أحسن في الإستعمال لكن هذا أرخص واحد لي باغي يجرب بحالي لاول مرة

الصور كتبين كلشي والمراحل و نفس الشيء بالنسبة لالكيك الثانية الجديد لي عملت هو إستعمال المصلوح أو البخار ديالو فقط على عجينة السكر فاش ساليت التزيين كيزيد يفتح اللون وكيعطي لمعان رائع كيف غتشوفو في الصور المرفقة

والحاجة الثانية الجديدة هي إستعمال عصارة الثوم باش نحصلو على دوك الشوشييات بحال ديال بصح و بالطول لي بغيتي فقط أضيفي العجين و ظغطي حتي تخرج

مقادير الكيك الأبيض ان شاء الله

200 غ سنيدة

115 غ زبدة

2 بيضات

10 مل فانيلا

190 غ دقيق

8 غ خميرة الحلوى

120 مل حليب

نشعلو الفران على 350 درجة فرنهايت 175 سيلسوس

نطربو الزبدة و سنيدة حتى الحصول على كريمة

ثم نظيف البيض وحدة تلو الأخرى ثم الفاني

نظيف الدقيق و الخميرة ونخلطو مزياان

في الأخير نظيو الحليب حتى الحصول على خليط متجانس

نخويوه فالمول مندخلوه الفرن مدة ما بين 30 إلى 40 دقيقة أو حسب الفرن كتجي رطبة بزاف

طبعاً أنا ظاعفت المقادير فكل طبقة ولصقتهم بالگناش كدلك لكن ديال الشكلاط أبيض

مقادير:

180 غ قشدة طرية + 198 غ شكلاط أبيض. لم أستعمل الزبدة والطريقة نفسها لي ذكرت الفوق بعد ما يبرد يطرب جيدا و يستعمل

مقادير الزيد فالفيت:250 غ دقيقنصف ملعقة صغيرة ملح2 ملاعق كبار أو 15 غ غبرة الكاكاو113 غ زبدة في حرارة المطبخ300 غ سنيدة2 بيضات كبارملعقة صغيرة روح الفانيلا240 غ لبن2 معالق كبار ملون أحمر سائل1ملعقة صغيرة خل1 ملعقة صغيرة بكربونات الصوديومنشعلو الفران أولاً على درجة 350 فرنهايت 175 سلسيوسنغربلو الدقيق والملح و الكاكاو ونخلطوهم
نطربو الزبدة و سنيدة مزيان حتى تولي على شكل كريمانضيفوا البيض وحدة تلو الأخرى مع التطريب الجيد تم الفانيلافكاس لي فيه اللبن نقوموا بإضافة الملون الغدائي الأحمر ليهتم بشوية نضيفوه ليخليط الزبدة بالتدريج وبالتناوب مع خليط الدقيق يعني مرة الدقيق و مرة اللبن حتي نساليو الكمية لي عندناكيبقى لينا الخل و البيكربونات عملية الإضافة ديالهم للخليط خصها تتم بسرعة باش نضمنو نجاح الكيك ويجينا هشيش و رطبفاش كتخلطي الكيك ديالك مزيان وتنساجم العناصر اللبن و الدقيق مزيان كتبقى آخر مرحلةفشي جبيبينية تديري البيكربونات وتكبي عليهم الخل غيدير واحد الكشكوشة بسرعة البرق تكبيها على خليط الكيك وتخلطي مزيان وبسرعة تعمليها فالمول و مباشرة للفرن مدة25 حتال 30 دقيقةو الكيك ديال الشكلاط ديال الأخت هداية جا وااعر ماشاء الله غير أنا كنت فاتحة الباج ديال المقادير و كنقل مباشرة الوصفة مع التطبيق ولكن شاط لي السكر بقيت كنشوف ههههه حيت مكانش فالمراحل فين غنضيفوا تا جمعت و ساليت عاد درتو و كنت خايفة لمتصدقش لكن جات فنة الله يجازيها كل خيييير

ihilh lo]hjd ,hgjh[ fhgjthwdg lvpfh Hodhjd