السلام عليكم انا من المبليات بتجميع النصائح ط§ظ„ظ…ظ†ط²ظ„ظٹط© لانها بالفعل خبرات كتجينا على طبق من دهب ومن هدالمنبر كنشكر كل اخت كتتكرم علينا بتجاربها وكتفيد الاخوات الاخريات باش كلشي يولي فالقمة لهد ارتايت نحل هد الموضوع باش نحط النصائح للي مسجلاهم من ط¨ط±ظ†ط§ظ…ط¬ ط³ظٹط¯ط§طھظٹ ط³ط§ط¯طھظٹ ديال ميد راديو وللي مسجلة منو شي نصيحة تحطها لنا باش تعم الفائدة يلله على بركة الله
باش نصبنو فالماكينة المخاد ديال الصالون للي فيهم التكرير وميخسروش لينا نعملو كل مخدة فجوا البيض ديال العمارة ونسدو عليهم بالسنسلة ونديرهم يتصبنو وهنا ضربنا عصفورين بحجر واحد حتافضنا على المخاد وصبنا الغشيان البويض هههه يلله الى لقيت تشجيع نكمل لكم في امان الله
lgt ohw fhgkwhzp hglk.gdm lk fvkhl[ sd]hjd sh]jd
معرفتش هاد البرنامج ولكن إن شاء الله متبعة معكم
بالتوفيق
المشاركة الأصلية كتبت بواسطة أم آلاء و إسراء 
معرفتش هاد البرنامج ولكن إن شاء الله متبعة معكم
بالتوفيق
الله يبارك فيك حبيبتي وان شاء الله نكمل
لتنضيف الشوشات سواء ديال المخاد او الجلالب نصبنهم بالشمبوان والما ونشللهم مزيان ونشروهم فالظل او نشفوهم بالسيشوار
لتنظيف زليج الحمام
صابون البلدي+بيكاربونات الصودا +خل بيض شوي الما دافي نخلطو حتى تولي كريما ونحكو بها الزليج والرخام والارضيات كاملة والما خاصو يكون سخون باش يزول الشهوبية ديال الصابون البلدي
لتنظيف الثرية نفزكو القطن بالخل البيض مزيان ونبقاو نمسحو كاع الاجزاء ديال الثرية ومن بعد نعاودو نشفو بزيف ناشف ونرشو البولة بشي عطر ونخليها منشعلوهاش حتى تفوت 3 ساعات
احسن طريقة للحفاظ على الدقيق من السوسة نديروه فسطل فالثلاجة
باش نظفو الفران من الداخل والخارج نطلوه بالصابون البلدي والخل ونخلوه حتى ينشف عليه الصابون البلدي ونحكوه بالحلفة كيخرج كيشعل
واللي ما عندهاش الغشا ديال العمارة؟
المخاد تا يكونو هازين ما هاز قلبي وهاد الطريقة غادية تكرفس الغشا اللي غالباً تا يكون أبيض وممكن يطلق الخملة أو يكون اللون مغلوق ويطلق في الغشا
يكفي تقلبي المخدة وتدخلي يدك الداخل وتسدي السلسلة وديريها في ماكينة الصابون
المشاركة الأصلية كتبت بواسطة أميـنة واللي ما عندهاش الغشا ديال العمارة؟
المخاد تا يكونو هازين ما هاز قلبي وهاد الطريقة غادية تكرفس الغشا اللي غالباً تا يكون أبيض وممكن يطلق الخملة أو يكون اللون مغلوق ويطلق في الغشا
يكفي تقلبي المخدة وتدخلي يدك الداخل وتسدي السلسلة وديريها في ماكينة الصابون
السلام عليكم يا غالية شحـــال هادي ماشفت اسمك ههههه
عندك الصح في هاد الطريقة حتا هي مزيانة هي لي كندير ديما
كيفاش نضفو لافابو وكرسي الحمام اعزك الله ويخرج يشعل من غير جافيـل
المشاركة الأصلية كتبت بواسطة سكينة ام آدم عندك الصح في هاد الطريقة حتا هي مزيانة هي لي كندير ديما
أهلاً حبيبتي اتمناك بخير والكريشة أيضاً
الله يرزقك الولادة السهلة والمولود السليم يا رب
موح عليك
المشاركة الأصلية كتبت بواسطة سكينة ام آدم كيفاش نضفو لافابو وكرسي الحمام اعزك الله ويخرج يشعل من غير جافيـل
الموضوع خاص بنصائح برنامج معين ولكن ندوز لك طريقة باش تحيدي الكلس والأوساخ ويرجع يشعل لكل أنواع السيراميك بدون إستعمال جافيل
ترشي الخل على لافابو وكرسي الحمام وترشي الملح وتخليه يبات فيه أو فاش تبداي الشقا ديالك رقديه هو الأول وخليه هو آخر حاجة وحكيه بحلفة حرشة ماشي ديال السلك وانما ديال البلاستيك
تصلح على للروبينيات وأي حاجة إنوكس
والنحاس يخليه يشعل