السلام عليكم ورحمة الله تعالى وبركاته اشنو غادي نقول ليكم الانيقات الصرااحة عييت بزاااف عندي ط§ظ…طھطط§ظ† بكالوريا ومابقا ليه والو تقريبا شي شهر وصافي وماعرفت منين نبدا وعيييت بغييت نبدا نحفظ وعييت منين نبدا وكيفاش غنبدا وبغيت نحط شي برنامج وبغيتكم تعطيوني رايكم ايلى جات على خاطركم والله ايلى عيييت مانفكر كيفاش؟ كنلقى الفلسفة من جهة ماكانقشاع فيها والو والاجتماعيا ت نقدر نسلك راسي ولكن كيجيوني صعيبين باش نحفظ والعربية من جهة والانجليزية عاد حتى هي زادت راسها ههههه. ودابا والله العظيم ايلى عييت مانفكر والو بغيت نحط شي برنامج ونخطط كيفاش نحفظ والله يجازيكم بخيير ايلى ما ساعدوني وبغيت على الاقل شي طريقة تخليني نحفظ على الاقل 3 ديال الدرووس في نهار واحد. ودعيو معايا بغيت نحقق المراد ديالي وبغييت نسعد الوالدين ديالي ولو مرة في حياتي بغيت ندير شي حاجة للي تخليهم مفتاخرين بيا ومابغيتش نخيب ليهم الامل .
lshu]m ugn hljphk hgf;hg,vdh hv[,,,;l
نوصيك نوضي الصباح بكري وحفظي راه بسرعة تتشدي وتتبقاي عاقلة واي درس حفظتيه كتبيه هكذا تضمني راسك مغادش تنساي
ودائما حاولي تخلطي مثلا جوج مواد تبقاي مناوبة عليهم حتى تكمليهم لانه ايلا ركزتي غير علا مادة وحدة تتمليها وتتحسي راسك مكرهة تكمليها يلزمك تنوعي
ومتبقايش سهرانة بزاف ايلا شفتي راسك عييتي صافي نعسي والصباح نوضي بكري صلي الفجر وبداي تحفضي ودعي في الصلاة تاعك ربي يعاونك والله يوفقك اختي
أختي الله يوفقك وجميع أبناء المسلمين
كنظنك أختي عندك باكالوريا أدبية ياك،المهم واخا أنا بيني وبين الباك 7 سنين دابا ولكن ما شي مشكل نقوليك كيف تعملي برنامج ديالك .
باقي لي شهر ياك حاولي مثلا 20 يوم للحفظ ماتبقى ليك للمراجة إن شاء الله.
عندك واقيلا أربع مواد المهم حاولي تخصيص مادتين كل يوم وديري البرنامج ديالك تكون مثلا الفلسفة مع الإنجليزية والعربية مع الاجتماعيات .
ديري فحال جدول زمني وكتبي في اسم المادة الساعة من إلى .. اسم الدرس تحاولي طبقي الجدول كيفما هو
مثلا : الاثنين
المادة الفلسفة ،الدرس الاول من الساعة 6 إلى الساعة 8 (حسب نوع الدرس وكذلك القدرة ديالك على الحفظ)،دائما مع قلم وكتاب لتحاولي تكتبي فيه أهم النقط
رتاحي واحد 30 دقيقة
دابا وصلات 8و30 المادة الانجليزية ،الدرس 1
وهكذا
بالنسبة للاجتماعيات واخا أنا كنت علوم ،كنت كنحفظ الدرس ماشي عن ظهر قلب ولكن كاناخذ معلومات وأقوم بصياغتها بأسلوبي الخاص
التدرب على معالجة الوثائق والنصوص التاريخية وكذلك قراءة الخرائط رسم المبيانات .
تحاولي ماتسهريش بزاف باش إن شاء الله تكون الصحة ديالك والتركيز ممتازين ماشي يوسل وقت الامتحان يلقاك عييتي.
والله يوفقك كنت ذكية في تناول الدروس المهم الكيف والنظام .
وإن شاء الله تكوني من الناجحات وماتنسايش تبشرينا.
ونسيت ماقلت ليك الدعاء الدعاء الدعاء واللجوء إلى الله .
حتى انا اختي صغيرة عندها اولى باكالوريا والاجتماعيات محمقاها هي والتربية الاسلامية
الله يسهل عليك اختي و ينجحك يارب