مثلثات شوصون معمرة بالجبن و الصوصيص المدخن بالزعتر

جمعة مباركة و رمضان مبارك
تقبل الله اعمالكم و طاعاتكم و ضاعف حسناتكم فهاد الايام المباركة

حبوباتي هاذي وصفة لعجين معجنات ساهلة

و لكن كتجي لذيذة و ممكن تبدلو الحشوة حسب رغبتكم

ان شاء الله تنال اعجابكم

نخليكم مع المقادير و الطرقية

المقادير :

75 سل اي نصف كاس عنبة زبدة مدوبة
75 سل اي نصف كاس عنبة زيت
75 سل اي نصف كاس عنبة حليب بودرة
150 سل اي كاس عنبة ماء دافي
350 غرام اي 4 كيسان عنبدة دقيق منخول
( كاس العنبة الواحد كيهز تقريبا 80 غرام دقيق منخول ماشي مدقص)
1 ملعقة خميرة الخبز
1 ملعقة سكر
2 معالق صغيرة خل
ملعقة ملح

يمكن اضافة الماء الدافىء حسب نوعية الدقيق و شربو للماء

الحشوة :

200 غرام جبن بلدي طري (عملو اي نوع جبن كتفضلو)
200 غرام سوسيس مدخن (عملو اي نوع لحوم او خضار كتفضلو )
2 معالق كبيرة زعتر

الطريقة :

حضرت عجينتي اللينة مسبقا و حفظتها فالثلاجة بالطريقة التالية

كنسخن اولا الازبدة تذوب و نضيف ليها الزيت

و فإناء العجن كنعمل كاس ديال الدقيق منخول

مع نصف كاس حليب بودرة و ملعقة خميرة الخبز و السكر و 2 معالق صغيرة خل

و نضيف ليه خليط الزبدة و الزيت الدافىء و كاس الماء الدافىء

و نخلطهم مزيان حتى يتمازجو مزيان و يتجانسو ثم نضيف الملح للخليط

و الكمية الباقية من الدقيق بشويه بشوية حتى تتكون عندي عجينة رطيطبة

نخدمها مزينا و ندلكها حتى تتكور و تولي متناسقة الشكل و متبقاش تتلصق فاليد او الروبو

هاد العجينة راها كتصلاح لكل المعجنات و الخدمة بيها سهلة
حيت كتجي طيعة فاليد و رطبة ، ممكن ديرو بيها المعجنات المالحة و الحلوة
و ممكن تعملوها و تحفظوها فالمجمد لحين الحاجة

لما جهزات العجينة درتها فعلبة حافظة و دخلتها للثلاجة
و بديت فتجهيز الحشوة

حكيت ط§ظ„طµظˆطµظٹطµ الفيمي رقائق طويلة
و عملتو مع الجبن و الزعتر فإناء
وخلطهم مع بعض حتى تجانسو

خرجت عجينتي من الثلاجة و خليتها ترتاح فحرارة المطبخ

و جهزت سطح العمل

رشيتو بالدقيق

و بديت كندلك العجينة

حتى حصلت على السمك للي بغيت

انا عملتها رقييقة 1 ميليميتر فالسمك تقريبا كيف مبين فالصورة

بديت بتشكيل مثلثاتي بمساعدة طابع الشوصون المثلث
لو معندكمش ماشي ضروري قطعوها بالموس او الكاس و حشيوها و غلقوها

كنعمل العجين فوق المول

و نعمل فيه كرة من الحشوة

و كندهن واحد الجنب ديال المول بقليل من الماء و كنغلق المثلت

و هاهو مثلتي جاهز

متعمروهاش بزاف باش متتحلش ليكم و تخرج الحشوة وقت الطبخ
حيت الجبن معروف عليه لما كيطيب كيسيح و كيتضاعف حجمو

ستفو المتلثات فالطاوة مدهونة او مغطية بورق الزبدة
و دخلوهم للفرن يتحمرو

ممكن تدهنوهم بشوية زبدة على الوجه لما تقربو تخرجوهم من الفرن باش يجيو مذهبين

انا مدهنتهمش خليتهم بلونهم الطبيعي

و هاهما مثلثاتي جاهزة للاكل

التقديم :

قدمتهم فطبق مفرش بالخيار هو للي كان عندي

و جاو خفاف و مشبعناش منهم

ان شاء ينالو اعجابكم

نتمنى تجربوها و تردوعليا خبر

اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

دمتم في رعاية الكريم

أمنــار

أم ريـَّــان

وعليكم السلام ورحمة الله وبركاته