لي ظٹط¹ظ†ط¯ظ‡ط§ شي ظˆطµظپط© ط¯ظٹط§ظ„ ظƒط³ظƒط³ظˆ ط¨ط§ظ„ط¯ط¬ط§ط¬ ط¨ط§ظ„ط®ط¶ط±ط§ او باللحم
gd duk]ih ad ,wtm ]dhg ;s;s, fhg][h[ fhgoqvh h, fhggpl du,]ih
كسكسو بالخضر من مطبخي كسكسو الخالة نجاة
هانا جيت عندك عاوتاني في هاد الصفحة حيث تيعجبني كسكسويا ههههههه أنا مرة وحدة للي طيبت الكسكس بالدجاج ملي يلاه تزوجت عند عدوزتي و كانت أول مرة غنديرو و صراحة تفاجؤو لأنه جا غزاااال و شتي عاودت ليك قصة حياتي نسيت مرحبت بيك في منتدانا العزيز إن شاء الله نفيدوك و تفيدينا بسم الله غنعطيك مباشرة الطريقة و فيها المقادير شنفي بصلة أو شلضيها(مؤخرا وليت نشلضها لأنها تتخثر أما مشنفة تتبقى معزولة) في الكوكوط ديري اللحم و شوية الماء و العطرية (ملح بزار سكنجبير خرقوم بلدي بالزايد ويلا كان دجاج ديري سكنجبير بالزايد) و السمن و خليه يتقلى شوية و زيدي البصلة و شحريهم شوية و زيدي شوية الزيت يتقلاو شوية و ديري 2مطشةأو3 إما محكوكة أو طريفات صغار من الأحسن تكون بلا قشور حيث تيبقاو القشور معزولين (كلما كانت مطشة كثيرة تيجي لذيذ)و تشحريهم مزيااان و ترويي(أنا شخصيا تنسد عليه شوية واحد 20 دقيقة لأنه تنبغيه زبدة) و مني تحلي ترمي الخضرة للي تتشد الطياب (خيزو و اللفت و اللفت المحفور و الفول و الحمص حسب المتوفر ماشي ضروري كاملين) في الوقت للي تنسد على اللحم بوحدة تنوجد السميدة إيلا كان كسكس مشري يدهن بشوية الزيت و تضيفي الما و تحركيه مزيان و تخليه يشرب و عاودي فتليه بيديك باش ميبقاش ملاصق أما إيلا كان غير سميدة الكسكس كنفتلو بالفورص مع شوية الماء و ندوزو في الغربال عاد نضيف شوية الزيت البلدية بالطبع ملي نضيف الخضر و تطلع الغلية نحط الكسكس يفور الفورة الاولى ملي نزولو نضيف ليه الماء بالزربة و شوية الملح ونفتلو مزيااان بيدي فلول بمعلقة بما برد شوية حيث تيحرقني في يديا نخليوه يتشرب شوية و نضيف الخضر للي بقات (القرعة الخضراء الدنجال إيلا بغيتي مكور بطاطا صاينة القرعة الحمرا) كاينن للي تيخليهم حت الفورة الثالثة و لكن أنا تيجيوني تيبقاو شادين شوية و تنضيف معاهم حزمة الربيع(خاصة القزبر تيعطي بنة زوينة) صافي ترمي الكسكس يفور على الأقل واحد 10 دقايق و نزولو نعاودو نفس العملية لكن غير بالماء(لكن قبل ضيفي بصلة محكوكة هادي تعلمتها من المنتدى تيضفي بنة زويييينة) و في البرمة نضيفو مطشة محكوكة و سمينة و قرون الفلفلة الحارة و و نديرو الكسكس يفور و فاش يوجد ريحيه(دهنيه) إما بزيت الزيتون أو السمن حسب الذوق أما بالنسبة للمرق فعزلي الخضرة و سقي الكسكس بالمرق عاد حطي اللحم و الخضرة و ها هو واجد نتمنى يعجبك ههههههه
السلام عليكم ورحمة الله وبركاته دخلي لهنا راني جاوبت وحد الاخت على نفس السؤال : https://www.anaqamaghribia.com/vb/sho…d.php?t=314073