للمتزوجات شنو كتلبسي فالدار؟

السلام عليكم ألبنات. بغيت كل وحدة تشاركنا بشنو كتلبس فالدار لراجلها. ما بين بيجامات قطنية طويلة أو قصيرة، سورفيت، شوميز دونوي، بلدي يعني قفطان أو تشامير أو عباية، ملابس عصرية: دجين وبودي، تريكو وسروال، كسوة…، كل وحدة تقولينا الستيل ديالها فكل وقت من أوقات النهار.
أنا بعدا معا هاد البرد غير ملوية فالبينوار، وليت كارهة راسي بغيت نستافد منكوم ونبدل الستيل شوية. يالاه راه المنافسة كثرات فالزنقة والتلفازة وزيد وزيد…أجيو نشمرو ونعتانيو براسنا فالدار.

---

gglj.,[hj>>ak, ;jgfsd thg]hv? gglj.,[hjak,

السلام عليكم

تانا كنولي فالبرد البنوار ولا غير نجبد ونلبس بلامانشوف كاع واش جبدت من الماريو هههه باغة غير ندفا الأناقة آآخر همي

وفالأيام العادية والصيف بالخصوص كنبرع راسي .. مكنلبسش البيجامات الطوال ماكنبغيهمش كنلبس بونطاكورات أو دجين وشي لعيبات ديول المسخ وقلة الآداب حيت محجبة كنبرد غدايدي فالدارهههه البيجامت للي كنلبس للي كيكونو شبابيين ومقزبين والكساوي كيعجبوني بالزاف

الله يرزقنا الصحة والسلامة

و الله ماكذبتى غير خلي داك جمل راكد هههه أنا ول كانة ديالي نهار نجمع راسي كانلبس عصري شي حاجة مخدماش لبرا كاندير ماكياج و
اما نهار تكون طلعلي لسطح بيجاما بسروالها لا مكياج لا والو لغريب ف لأمر راجلي قيقل بلا زوق حسن أنا ماكنتيقش صراحة مايمكنش راجل مايبغيش يشوف مرا زوونة و متولا و الله ماعرفت شمن طريق نشد ف صراحة بيجاما كادر ليا إحباط كانحس كتقلل من شاني لعصرى كيكتفنى خصوصا معا دراري وااااااااااااع

شكرا على التفاعل. داكشي لي كاين حنا مرا نتهلاو مرا لا والرجال تيبغيو لمرا تكون دييييييييييما نقية وأنيقة ومتولة فحالتها. متيعدروش أختي الله يرزقنا الصبر معاهوم داكشي علاش مخصهومش يشوفونا فحالة خايبا. وهاد البرد تنعياو منقادو والو خصنا غير نتكمشو.

عوتاني تنقول ما يمكنش لمرا دير شغال الدار بحوايج زوينين مثلا عنك بيجامة زوينة ولا سورفيت مغيمكنش تطيبي بيه ولا دييري الميناج ونتي لابساه. إيوا فهاداك الوقت لي حنا كنخركو لي لقينا باش نشقاو تيبقاو هوما يشوفو الحقيقة ديالنا قداااامهم. نتي تشقاسي والكاميرا خدامة خصوصا منين تيكونو فالدار.

ههههههههههههههههههههههه
شعارنا في هذا البرد القارس
البينواااااااااااااااااااااااااااااااااااااااااااا ااااار و التقاشيييييييييييييييييييييراااااااااااااااااااات و الفولالالالالالالالالالالالالالالالالالار و ميات سروال فوق سروال و تريكو فوق تريكو
ماعند البرد منين يدور و الراجل حتى هو

بالنسبة للطياب والتجفاف ..كندير التزارة فوق التفركيس ونشقى عادي ولكن داك التخمال الكبير كنجبد شي عجب من الماريو داكشي الباالي اللي أكل عليه الدهروشرب أصلا ماعرفتش كيفاش لبسته ومنين جاني واش كنت مخدرة ولا كيفاش فديك الساعة !ههههههه وبالنسبة للراجل أصلا ماعندوش الوقت باش يلاحظ لبسي وشكلي هو ديك الساعة كيكون مدعوووق هز هادي من هنا حيد رجليك من هنا وشعري واقف الوحدة فنهار التخمال مكاتكونش حاملة راسها يدوي الراجل تزنفرو بقى ليه غير يلاحظ الأناقة راه كولي باغي غييير السلة بلا عنب

تبارك الله على صاحبة الموضوع صراحة حويج الزنقة معروفين أما الدار حتى أنا مكتعجبنيش هديك لبيجامة كتبن لوحدة مرمدة وخصووووووووووووووصا بيجامات طوال كيشرفو بلا وقت ههههههههه أنا كنلبس غير ضونيات ولبونطاكوغ ولا كساوي قصار خصوصا حنى في بلاد سخونة مكنحتاجوش لحوايج البرد إلا برد الحال شوية كنلبس سرفيتان أما بالنسبة لشقا والطياب كنلبس شي حاجة نعدي بيها مهي ديال النعاس مهي ديال بروك في الدار بيجامات لقصار حتال الركبة باش ملي نسالي ندوش ونلبس حويجي ميكونش فيهم رحت طياب

الله يبارك فيك أختي. بغينا نديرو النفس فبعضياتنا. ايوا تبارك الله عليك راك كتهلاي فالحالة.

هاد الساعة غير بيجامات ههههههه ولكن زوينين وأنيقين
مرة مرة كنلبس شي حاجة نتفركس بيها