كتعجبك الباهيا ايوا يالله الالة تفضل مرحبا بك

اول حاجة بغيت نخبركم بيها هو ان الاسم د بايلا اولا بيلا راه غلط مائة في المائة لان الصحيح هو ان اسمها البهيا والاصل ديالا عربي اسباني يعني من الاندلس وقبل ماتصبح اكلة عندا شهرة واسعة كانت تصنع من بقايا الخضر واللحوم اللي كاينة في المطبخ بالتالي الباهية معناها الاصلي البقايا

سمحولي حيت طولت عليكم ونمشيو دابا للمقادير

المقادير:

كلمار + كامبا اولا القمرون + الحوت الأبيض + قطع من صدر الدجاج + الأرز + فلفلة حمراء وفلفة خضراء وادا كان ممكن صفراء مقطعين صغارين + الجزر مقطع قطع صغيرة +شويش من جلبانة وشويش من اللوبيا خضراء+ بصلة كبيرة + الملح الابزر و سكنجبير +شويش قصبور ومعدنوس مقطع صغير + كنور السمك اولا الدجاج اللي موجود + ورقة سيدنا موسى + الزعفران الملون وادا كان حتى شويش دالزعفران الحر كاين ضامة ديالو+ زيت الزيتون والقليل من زيت المائدة.

الطريقة:

اول حاجة كنعملوها كنسلقو الكامبا اوالقيمرون ونصفيوه من الماء مترميوشي الماء حيت هو الماء اللي كنطيبو بيه ط§ظ„ط¨ط§ظ‡ظٹط§ ديالنا هدا هو سر اللدة ديالي في طنجرة كنوضعو زيت المائدة و زيت الزيتون و كنور و البصل المقطع و الزعفران و الملح و الابزار و السكنجبير، و الفلفل و الجلبانة وقطع الدجاج و الكلمارو الحوت الابيض و القمرون ونحرك حتى تتشحر المكونات قليلا بعد نضيف ورقة سيدنا موسى وماء القيمرون اللي سلقنا بيه ونضيفو الروز ونغلق الطنجرة. ماين نتاكدو انها طابت نعملوها فشي طاوة وندخلوها نالفران شويش ونخرجوها ونضيفولا الجبن المحكوك اولا الجبن العادي اللي موجود كيعطيها نكهة رائعة اخيرا يمكن نزينو الطبق ديالنا بالقمرون المقلي في الزيت. وبصحتكم وراحتكم اي سؤال ظ…ط±ط­ط¨ط§ بالنسبة نالمقادير معطيتشي الكمية د الحوت والدجاج حيت بصراحة عينك ميزانك شني ماعاندك يكفيك بالنسبة نالخضر كترو راه مفيدة