السلام عليكم اخواتي
اليوم جيت نحكي ليكم قصة حياتي اللي تبدلات 180 درجة و لله الحمد
انا امراة متزوجة عندي و ليدات تزوجت على سن 17 سنة اي في سنة الباكالوريا ديالي و مكملتش قرايتي ماشي حيت زوجي منعني لا بالعكس غير الدار و الكوزينة و تلهيت بالخوا الخاوي
ولكن ملي قهرني الروتين بقيت تنفكر و بغيت ندير شي حاجة باش نحس راسي فاعلة في هاد المجتمع و نحقق ذاتي و استقلاليتي و اهم حاجة نعمر وقتي الضائع فكرت و فكرت و قررت ندير الدروس الخصوصية و الساعات الاضافية بداية لوليدات حومتي و فداري و خا التمن رمزي و لكن تيعني ليا بزاف و ط§ظ„طظ…ط¯ لله عندي مستوى جيد في اللغة الفرنسية و الانجليزية و الرياضيات ولات السمعة ديالي على كل لسان و جاوني وليدات من حومات اخرين و داري صغيرة هادشي خلاني نشارك واحد السيدة عندها روض الاطفال في نفس الحي يعني هي تتستغل الروض نهارا و انا تنخدم فيه العيشة اي من 6 مساءا الى 9 ليلا وهادشي مخلانيش نوقف هنا بالعكس حمسني اكتر و دفعت لبعض المدارس الخصوصية طلب سطاج باش نتعلم البداغوجية للتعليم و التواصل و فعلا قبلوني و دوزت السطاج ديالي في عدة مدارس وخديت الخبرة و تعلمت بزاف
المهم هاد السنة دفعت باك حر و خديتو ط§ظ„طظ…ط¯ لله بميزة مستحسن و الخطوة التالية ان شاء الله هي الاجازة و تتنسنى يبدا التسجيل في الجامعة و نتسجل ان شاء الله
لقيت دعم كبير من الزوج ديالي و حتى و ليداتي ملي تيشوفوني هازة الكتاب و تنحفظ تيفتخرو بيا و تيشجعوني
بغيتكم دعيو معايا دعوة الخير و لكم بالمتل ان شاء الله
و ظ‚طµطھظٹ نموذج عن المتل الذي يقول = لا ياس مع الحياة و لا حياة مع الياس
rwjd ;thp ;gg fk[hp , hgpl] ggi j,[h] ;lg
المشاركة الأصلية كتبت بواسطة rawraw83 
الله يبارك فيك احبيبة و غير توكلي على الله راه مشوار الالف ميل تيبدا بخطوة بخطوة
الله ييسر امورك
مشاركتك جد جد محفزة تبارك الله عليك
المشاركة الأصلية كتبت بواسطة lola2019 مشاركتك جد جد محفزة تبارك الله عليك
الله يبارك فيك احبيبة و شكرا جزيلا على الاهتمام بموضوعي
عن طريق : samsung – GT-I9105P