فقيقصات مالحين ديال العيد بصور

السلام عليكم

نتمنى تكونو بخير

انا ديما فالعيد الكبير كندير غير الفقاص المالح و بيسكوي مالح هاد الاخير ماساليتش باش نديرو كيجي غزال

المهم هاد القريشلات ها المقادير ديالهم

4 البيضات 4 الفرماجات متلتين رابعة زبدة دايبة ملح بزار م ص سودانية غبرة بصلة مويان محكوكة. كنورة (اختياري)2 م ك موطارد شوي الفرماج حمر مجكوك و الطحين ح خ

نجمعو العجينة و نقسموها على 4 او 5 الكرات حسب المتوفر باش تنسميها

انا كنت زربانة قسمتها غير على 4. الاولى سرحتها و دهنتها بالبيض و رشيت الزعتر و الكامون و التانية دهنتها بمطيشة الحك و الكاشير محكوك رقيق و التالتة و الرابعة زدت عليهم غير الملون حمر و خضر ماساليتش باش نديرهم فالسانوج تيجيو زوينين

المهم الطريقة ساهلة وباينة كتعملي الحرابل و دخليهم لفريكو حتى يقصاحو و يتقطعو ويطيبو