بواسطة المغرب وطني مشرفة منتدى المطبخ العام
كيف الأحوال أنيقاتي؟
نحكيلكم على هاد العراضة بحال شي خرافة بالحق عنداك تنعسوا قبل ما تكملوا القصة ههه
بداية الموضوع فهاد الرابط ملي حصلت حصلة و بقيت حااايرة ….
https://www.anaqamaghribia.com/vb/sho…d.php?t=299575
و كيف شفتوا توكلت على الله و رسلت نداء الاستغاثة ..
و الانيقات ما قصروش بالمرة ..
و بفضل الله و فرقة الطوارئ الانيقة اللي نورات موضوعي و افكاري تحلات يا لالياتي الأزمة..
وقبل مانحكيلكم كيف تحلات الأزمة نقول الف شكر للانيقات اللي نقدوني من الغرق و كانوا حاضرين ساعة الحزة ..
وآزروني بالفعل ولا بالكلمة..
راكم عارفين اللي مايشكر الناس ما يشكر الله تعالى
sanaakam
Zineb hayati
oumyahia2
حنين الريحان
دعبلة
قوتي في صمتي
و على رأسهن الأنيقة اللي عتقاتني الله يجزيها الجنة ..
و نجيو دابا لشنو درت من بعد ما بان لي الطريق و ضوا…
التحدي كان نوجد لعراضة عشية ف 5 ساعات .. وبديت التحدي مسلحة بالتوكل على الله و
روابط الوصفات ديال الانيقات و بدات المهمة
ملي شفت رابط الحرشة ديال اختنا الهام ..قلت هادا هو..
https://www.anaqamaghribia.com/vb/sho…d.php?t=293987
انما معنديش الوقت باش ننفذ الوصفة و انا نتفكر وصفة مشابهة لاختنا ثروتي ديني هاهي هنا
https://www.anaqamaghribia.com/vb/sho…d.php?t=299577
وانا ندمجهم و خرجت حرشة – بسبوسة معمرة بالتمر و مسقية بالزهر الله يجعل ايامكم كلها زهر
كتجي تحفة لمحبات البسبوسة مع حشوة التمر لذة وشمن لذة
ملي درت البسبوسة تطيب بالفران و جدت كيكة ديال حبيبة الجماهير دعاء القلوب
https://echorouk.dzbatna.com/#270995
غير هو الفران كانت فيه البسبوسة والوقت كيدوز بالزربة …
شنو ندير يا الانيقات فهاد الحصلة ؟
درت الكيكة تطيب فالكوكوت و اللي ليها ليها .. وباش نضمنها والضامن الله زدت ليها 2 معالق كبار ديال الخل ..هادا حال الزربة
و الحمد لله ما حشمنيش الله تعالى جات مزيانة و هاكدا يا السامعين ضربنا عصفورين بحجرة و طابت الكيكة و البسبوسة فوقيتة وحدة…
هاد الكيكة هشيشة و اللي كلا طرف ما يقول باراكا .. الله يعطي لمولاتها الخير و الهنا
و ملي شفت المالح ما كاينش دخلت ملف دعاء القلوب نتجسس على ما فيه من كنوز وانا نلقى هاد الوصفة بالحق سامحوني ضاع لي الرابط اللي شافوا يا بنات الحلال يجيبولنا …
عجنت العجين خليتوا يخمر .. وانا نقول علا ش مانعجن حتى عجين البغرير ..وهاكدا كان ..
طيبت الحشوة طفيت عليها تبرد و خبزت بغرير ..هاهو وجد معاه العسيلة والزويتة
فين بقينا؟
ايه الله يثبتنا على الشهادة مملحات دعاء القلوب كانت العجينة تخمر و كتبرد الحشوة ..
صايبت التميلحات و دخلتهم للمجمد و هاحنا سالينا التحضير مع 12 بقالي غير نوجد راسي و نخرج للخدمة ..
ايوة شكون يطيب المملحات ..حتى للخمسة ديال العشية باش يبقا وسخونين
و انا كنخرج من ط§ظ„ط®ط¯ظ…ط© حتى ل 6 ؟؟؟
مول الدار فالذمة بالرغيب طبعا و المزاوكة و الدعاء الله يجازيك اخويا الجنة و يسترك فوق الارض و تحت الارض و يوم العرض .. و ساعة ديال الشرح على كيفاش يشعل الفران..المهم راكم عارفين الرجال …الله يسمحلنا منهم و يسمحلهم منا…
و اخيرا هاهما ..سمحيلي يا دعاء القلوب ما درتش الزيتونة …
ايوة اشنو بقا؟
ملي جيت من ط§ظ„ط®ط¯ظ…ط©
المكسرات
و سلطان الكلسة… كاس اتاي بالزهر و الزعفران .. و مرحبا و بالصحة
وهاكدا يالانيقات تسالات الحكاية .. كنشكركم من القلب على هاد الاخوة والمؤازرة ..الله تعالى يجعلها صحبة لله و يديم المحبة و يلاقينا عندو فالجنة .
و نحمدو الله على النعم فالحمد يقيد النعم بعقالها
و نتصدقو باللي كتاب من نفس اللي كلينا وشربنا الله يقبلها منكم و منا
و الى لقاء اخر مع حكاية اخرى ..بغيت نقول ط¹ط±ط§ط¶ط© اخرى :wink-new:
uvhqm ugn ytgm >> hkhrm lyvfdm td hgo]lm ! hg]ogm
والعقبة لشي عراضة اخرى و لكن ما تكونش على غفلة باش تبرعينا
عفوا أختي ما قمت غير بالواجب….الله يعطيك الصحه….أمتعني أسلوبك الجميل….رائع و روعه مثلك أختي .
أتمنى أن أتعرف عليك أكثر …و سأتابع دوما وصفاتك …لأنو فعلا فكرة الحرشه بالتمر كتبرهن أنكي مبدعه .
و الله يكثر من أمثالك حبيبة .
تبارك الله وماشاء الله على الحادكة
وماعندي مانسالك، عرفتي تبارك الله تخرجي راسك وتكوني لالة ومولاتي
الله يعطيك الصحة والله يجازي البنات الأنيقات دياولنا اللي عاونوك كل خير ياربي
تقبلي مروري
الله ما شاء الله عليك، أحلى تقييم لك ولموضوعك
موضوع مميز، تقديم مميز، وسرد مميز