عاونوني عندي الخطبة وتالفة

---

uh,k,kd uk]d hgo’fm ,jhgtm

أولا مبروك عليك و الله يكمل ليك بالخير وهاد الإحساس راه عادي.أنا ختي في خطبتي لبست تكشيط بالهجري و الفضي وكريت صندلة وجاتني فنننة ملي دخلت كلشي بقى حال فمو.و التقديم ملي جاو قدمنا لهم حلوى سواري و العصير درت لهم ديا فريز أو ديال ليمون أو ديال أفوكا أو ديال البنان و حطيتهم في بلاطو مختلفين.إوا أنا مع دارنا هما لي كانوا حشمانين صدقت داخلة عندهم من لول ههههههههه باش مايبقاوش حشمانين.المهم بقاو كهدروا شوية شوية عطينا لعشا كومونديت في حولي مشوي و بسطيلة بدجاج ودسير أنا لي دارت ليه ديكور لمهم جا غزااال.وملي حيدنا لعشا واحد شوية سرفنا اتاي و لحلوا في بلاطو و حلوة في طباسل و لفاكية درت طبسيل كبييييير عامر.وداكشي عجبهم بزاااف.داز كلشي زوييين وحتا نتي كلشي غادي يدوز عندك زوييين غير ماتقلقيش وتكالماي وتمتعي بنهارك.ولا كاين شي سؤال هانا معاك.

آه نسيت و لحليب وتمر عطيناه من ورا فاش هدروا فيا يعني مورا اتاي.

الله يبارك فييييييييييييييييييييييييييييييييييييييك اختي والله حتى فرحني ردك الله يفرحك بدخول الجنة ويكمل عليك ما ناوية يااربي في هاد اليوم المبااارك
واش عادي نلبس تكشيطة تكوون زوييييييييييييييييييييينة ماشي حشومة ياك ؟ حيت كريتها من عند نكافة وخفت نكون زدت فيه واخا غير بيضة ديال ساري
وبالنسبة للخاتم واش قبل الحليب وتم ولا بعد ههههههه وسمحليا كترت علييييك راه ربي لي عالم بحالتي

ماكين حتى مشكل ختي هو كون لبستي شي لون اخر مفتوح ولبيض خليه لعرس إلا كنت غاديري العرس أما إلا كاين شي مشكل ونكافة مابغاتش تبدلوا ماشي مشكل.لبسيه حتى هو غادي يجيك كحمق.والخاتم أ حبيبتي إلا كنت غتلبسي الخاتم بطبيعة الحال غاتكوني مصاوبة بلاطو لي غتحطي فيه لخواتم وتمر ولحليب عاد باش هداك تمر لي غادي يجيبوا هما غتفرقوه عليهم يعني غير تركبوا لخواتم فرقوا لحليب و تمر.لمهم تكون ختك يلا كاينة تكون واجدة.ماكرهتش نكون معاك ونعاون ختي في كلشي.

لحبيبة تنظن مادام غير خطبة بلاش عليك التكشيطة لبسي شي قفيطين بلا حزام يكون لونو فاتح والفولار يكون مواتيه هدا مجرد نظر ههه سمحيلي ههه …

اهلا الغالللية شرووق طبعاا رايك ع الراس والعييييييين ولهلا يخطييك حيت عطتيني من وقتك
انا نهار تعاروف لبست قفطين خفيف قلت نغير شوية ياك ولا ؟ ههههههههههههه سمحلوليا عدبتكم معايا

لهلا يخطيييييييييييييييييييك عليا والله قلتيها فحالا عاونتيني وراكي عاونتيني نيت الله يجيب لي يعاوووونك ويوقف معااك في افراحك ياااربي
ان شاء الله غادي نشوف نكافة الى بغات تبدل ليا اللون والله يعطيك ما تمنيتي على نصااائح الغزالة فحالك وعواشرك مبرووووكة ياربي

أمين أختي لغزالة ومبروك لنا وليك وعقبى لجميع لبنات نشا الله.والله يكمل لك بالخير.

مبروك عليك والله يكمل عليك بالخير