طلب نساعدة عاجلة من ذوات الخبرة في الرضاعة الطبيعية

السلام عليكم ورحمة الله وبركاته
البنات أنا ولدت نهار السبت، ويوم الولادة والثاني ماكانش فيا الحليب نهائيا ورغم ذلك كنت كنعطي ولدي البزولة باش يجي الحليب وباش يستافد من ديك الماء الأصفر اللي كيكون فالأول، دبا تبارك الله ما شاء الله سدري ولا بحال الحجر وكيحرقني وبالليل مكنعسش من قوة عامر، الممرضة كانت قالت لي إذا حسيتي بسدرك عمر بزاف ديري ليه مساج بماء ساخن وخرجي داك الحليب بيدك…درت هادشي لبارح لكن تفاجأت بأن الكمية تضاعفات وزاد سدري تحجرلي. للعلم أنا كنرضع ولدي بعض المرات كل ساعة بعض المرات كل ساعتين، لكن مكنفوتش 3 ساعات. وبالليل كل 3 ساعات كنفيق نعطيه يرضع.
شنو ندير البنات باش يبقالي سدري نورمال، يعني مايبقاش سدري محجر؟؟؟ علما أننا سمعت إذا بقا الحليب بزاف فالسدر كيسد قنوات ديال الحليب ومكيبقاش.
ساعدوني الله يجازيكم الجنة يارب

---

‘gf kshu]m uh[gm lk `,hj hgofvm td hgvqhum hg’fdudm

أختي واقع لك بحالي إلى قدرتي تخدي tire-lait من فرمسي تعاوني بها حنت ولدك مازال ماقد يجبد مزيان راح الله إحفض إلى بقى لك صدرك هكاك غادي امشي لحليب

التزمي القانون

ملي ترضعي وليدك الله يحفظوليك عطيه كلا بزولة عشر دقايق عل اقل حتى تحسي بيها ترخات ثم اعطيه البزولا التانية حتى هي نفس الشيء .هكدا تتخويهم من لحليب اللي ما خصوش يتعطل فلبزولا وبالتالي غيضر حتى ولدك الا بقا فصدرك

مبروك الولادة
عليك ب-tire lait هي لغدي تخوي ليك صدرك مزيان ولا لقيت electrique يكون أحسن ومتخلهش يبقى محجر لحليب يمشي ليك الله يحفض و لحليب حتفد بيه فلكونجلتور حتى تحتاجيه والرضاعة كل 2h وسمعيه وش تيسرت لحليب ومتخلهش ينعس فلبزولة

حاجة تقدر تساعدك ديري لوراق ديل chou أولمكور فالتلاجة ودريهم على بزازلك بش يحبس تدفق تلحليب الله يخليلك وليدك

شكرا ليكم بزاااااف البنات على النصائح وعلى المساعدة ديالكم الله يجعلها في ميزان الحسنات يااارب
بخصوص جهاز شفط الحليب عندي منو تخوف حيت بزاااااف ديال البنات حذروني منو باللي كيقلل الحليب

حتى ان كيوقع لي هكاك في أيام الولادة الأولى ومن بعد عادي
ومكندير والو غير كنبقى نعطيه يرضع مزيان حتى نحس بصدري خوا صافي

شوفي أختي هو على حسب درجة تدفق الحليب أنا راح مرضعة 2 أولادي وديما عندي لحليب كتير و لكن تنكتفي غير بلمسج ودوش و وراق شو وكان تيتنفس لي صدري ولكن فولدي التالت ماشاء الله جاني لحليب كتير بزااااف ولدي كنردع فلوقت وستعملت tire lait manuelle ولكن مكنتش كتخوي لي صدري مزيان نعيا منتري وكيبق محجر هت لواحد نهار لقيت وحد بزولة نشفت ولخرة فيها شوية شحال بكيت داك النهار وعلط محمدمدتش الله على النعمة ديالو لاني كانو يعمرو بزاف تنوض فليل نبقى نبكي تيولي صدري بحال كياص محطوط فوق منو منقدر نتحرك وديما دوش تيرخيهم شوية ،إو عد خديت tire lait electrique هي لعونتني و لحلبة بش على ربي يعاود يرجع لحليب والدعاء وسبحان الله قادر على كل شي، سمحي لي كتبت ليك جريدة ولكن مبجيتكش تيهي فالي وقع لي ، الله يسر أمورك

شكرا ليك أختي بزاف والله يحفظك ويجازيك جنة الفردوس يااااارب
بغيت نسولك واش غير بالدوش كيهبطلك الحليب أولا كتضغطي على الصدر ديالك باش كيهبط الحليب؟؟
جاوبيني الله يحفظك…حيت جربت لبارح خويت صدري بالماء الساخن وكنضغط عليه كيهبط الحليب لكن قطيرة بقطيرة وداكشي كياخذ وقت وظهري عيالي.