طلب من الأخت صاحبة الفرماج بالزعتر و الزيتون الأسود

السلام عليكم
الجبن البلدي بالزعتر والثوم وتقدرو هاد الطريقة مديروش فيها الزعتر والثوم الى بغيتو تستخدموها في استعمالات اخرى
المقادير :
نصف لتر حليب ومن الاحسن يكون اللي تيتباع في الكارطونة سنطرال ماشي العبار
ربع لتر لبن
قليل ملح
ثومة واحدة مقطعة
قليل من الزعتر
الكمية قليلة حسب الاشخاص يمكن ضاعفوها
الطريقة:
ناخد الحليب نفيضوه مع الثوم
[img][/img]
وفي نفس الوقت نضع في اناء اللبن والملح والزعتر
[img][/img]
ملي يغلى الحليب نوضعوه مع اللبن بدون تحريك ونغطيوه لمدة ساعتين حتى يروب عنداكم تحركوه ها ودني منكم ههه
[img][/img]
[img][/img]
نوضعوه في ليبة انا تنفضل ليباموس على زيف حياتي تتجي ساهلة وعملية من الاحسن ديرو ليبة بيضاء الى لقيتوها الحوايج ميفلتوش معايا حتى هما دخلتهم في الطياب ههه
[img][/img]
[img][/img]
من بعد نوضعوها تتسقطر في الكوزينة حتى الصباح او حتى تسقطر مزيان من الماء
[img][/img]
ونديروها في شبيكة صغيرة ونعملوها في الثلاجة
[img][/img]
وهاهو ملي وجد تقدرو تقدموه مع زيت الزيتون وبالصحة والراحة