الله يرحم والدين لي توريني شي طريقة باش يجني خبز ط§ظ„ط´ط¹ظٹط± زوين جربت شحال من طريقة تواحدة ما صدق لي بها وراجلي كيضحك علي قال لي لعبرة لطحنتي وتمحنتي فيها غاتمشي غير في التجارب
فاجووووووووووووووووكم الى ما عطيوني يا الحبابات شي طريقة باش يجي زوين حيث اولا صحي ثانيا كيموت عليه راجلي والبنات
‘gf p,g of. hgaudv hgwydv d,l
اليوم غادي نحط ليكم طريقة تحضير خبز الشعير ديال الزنقة كيجي رطب و هشيش و بنين
نتمنى ينال اعجابكم و تجربوه
اول حاجة كناخدو بلبولة الشعير المتوسطة ماشي الغليظة كتباع عند البيسري و هادي صورتها
ثم كنديرو الما يغلي بزاف و بما ان الكمية كبيرة درنا برمة و انت ديري غير الما على قياس البلبولة الي درتي ( ملاحظة بان الصيف هدا الما يكون دافي شوية )
ثم نكبو الما على الشعير و نحركو مزيان و نخليوه يشرب تقريبا شي ساعة
حتى كيولي فحال هكدا
ثم كنضيفو لهاد الخليط شوية من السميدة الرقيقة و شوية من البلبولة يابسة و السكر و الملح و الخميرة المعجونة { كلشي على حسب الكمية ديال الشعير الي درتي }
كنخلطو كلشي و هدا الخليط النهائي
نخليو العجينة ترتاح غير شوية و ندوزو للطياب
كناخدو طبسيل ديال ميكة او ديال الزاج صغير و نديرو فيه شوية الشعير و كنديرو حفنة ديال الشعير
تم كنعاودو ندردرو عليه الشعير و نسرحوه فالطبسيل يعني ياخد شكل الطبسيل
ثم نقلبوه فلجريااي المقلة الكبيرة الي فالمحلبات او مقلة ديال الحرشة او طيفال الي بغيتو
ثم نمسلوه و نعوطوه مزيان بحال هكدا
و نخليوه يتحمر من الوجوه ب 2 فحال الي فالصور
و هاهو واجد مع شي براد اتاي و مع الزبدة بلدية او الزيت بلدية او رفيسة كيجي رائع بمعنى الكلمة
و غير سمحلولي على الصور النهائية صورتهوم فالمحال فغير قبلو عليا انا بغيت نشارككم بسر خبز شعير المحلبات الرطب و الهشيش و حتى ملي كيبات كيبقى رطب و شاد راسو
نتمنى متنساونيش بشي دعيوات صادقة منكم
Read more: https://www.anaqamaghribia.com/vb/sho…#ixzz1XNR8u91E