فكرتي اليوم هي نتكلمو على هاد المناسبة الجميلة لي ناس زمان كانو كيعطيوها أهمية و كيحتفلو بيها بشكل مميز، بالطبع مكنتكلش هنا على بعض العادات المحرمة لي مخصهاش تكون فيه، بحال فضيحة دم العذرية في منديل و غيرها من المسلوكيات الغير مقبولة و المحرمة، و المعتقدات الخاطئة. فاش كانت العروسة كتخرج في أبهى حلة و كيزيدها حياءها جمال، و كانو كيجتمعو معاها المقربين و كيديرو أكلات و كيقدمو حلويات خاصة بهاد المناسبة، كفاش كانو أهل العروسة كيجيو و كيكون فرح آخر فهداك الصباح. فهاد المناسبة خاص يكون المنزل خاوي إلا من العروسين، و حتا كيكونو فاقو و خدآو وقتهم في الإستعداد كيجيو أهل العريس باش يستقبلو أهل العروسة و يحتفلو و يفرحو بالعروسين و يدعيو ليهم بلمباركة في الزواج.
نتمنى تحكيو لينا على الصبوحيات ديالكم كفاش دازو و يلا حضرتو لمناسبة مماثلة عاودو لينا، هدا غيكون فيه إفادة كبيرة لي معارفينش شنو يديرو هداك النهار و منها يزيد أفكار جديدة مكانتش على بالهم باش ينضمو كلشي.
راق لي الموضوع جداا كل وحدة تقولناا شنوو كيدور عندهم فالتقاليد والتخاريف ديال الزمان
وشنو الي صدمكم مكنتوش متصورينو
>>>>wfpdm ]hguv,sm >>>> dhguv,sm wfpdm
العروسة كتمشي نهار التالت لان كاين نهار الحنا
ونهار البرزة ونهار التالت عاد كتمشي
كيجيو مع العصر خصها تخرج العروسة
ديك الليلة الي كتمشي فيها العروسة العريس كيكون عندوو العرس دالرجال
كيحتفلو وهو كيجلس معهم غير شوية ماشي بزااف عندو شي المهمة هاهاهاها
المهم على حسب كل شخص والمناطق كاين المناطق الي خصهم يشوفو داكشي
وكاين بحال المنطقة ديالنا لااا خصها العروسة تقول لشي وحدة لوستها او شي وحدة
قدها تقولها والى مبغاتش ماشي مشكل راه كيعرفو لان الرجل كيكون فرحان
وداك النهار العروسة فالصبح كيديولها كلشي الفطور على حقو وطريقوو وكتفشش العروسة
كتلبس قفطان بلا حزام وتعدل شعرهااا واصلن فالصبح كيمشيو دغيا لان العروسة خصها ترتاح
باش بليل تبدا المهمة ديال التبرااز كيجيبولها النكافة والكوفورة كتلبس يامن حوايجها او من عند
النكاافة على حسب الاختيار ديالهم وخصها 7 ايام متلبس الحزاااام هادشي الي تفكرت
مالي كتم فض غشاء لبكرة كيعتي رجل لمو وكيعتيها لمنديل فيه دم وهي كتعطه لمين لعروس بش تهنى على بنتها صافي مكشوفو حتى واحد أخر ونا راجلي حلف لا شافو شي واحد ههههه
حباب لعروسة ف دار لعريس كيتغدو ولعروسة ف بيتها هي ورجلها وكيجيبو لها حببها لفطور طباسل لحلوى ولمحنشة وقراشل حليب بيض مسلوق شعرية ولا لمحمصة وبولفاف ولعريس كعيط على لعزاز عليه افطر معاه وكتنود المدبزا على شكن لإدخال لفطور لبيت العروسين ههههه بش تكون هي أول وحدة تشوف لعروس وتفطر معاهم لغدا ككون دجاج ولحم فلعشية كتصوب لعروسة حالتها وكتكون لبسة لبيض بش إدخل حببها اشوفها من بعد كيودعوها وكتفرق عليهم لوز ولجوز ولحلوة ولمسكة كنقول ليه طبق (tbag) ومكتشوفو حتى كدوز 3 أيام
العادات خصنا نحافضو عليها اما عادات الجاهلية ما عندنا مانديرو بيها
في عائلتنا لي دارت لعرس تمشي لدارها وفي صباح تسافر هي وراجلها لاعين شافت لاقلب وجع
المشاركة الأصلية كتبت بواسطة روح حبيبي 
واش نتوما باقيين كاتناقشو واش يشوفو شي حد ولا لا
في عائلتنا عادة الزيف حبسات ف اوائل الثمانينات 
وملي كنشوف باقي لي كايديرو هاد لمنكر كانستغرب 
افصباح كيجيو عائلة لعروسة ايجيبو ليها فطور مضخم احتى لغدا مسيمنات بغرير بيض فواكة جافة بأنواعها لي كيك ………الخ
لغدا لحم دجاج فواكه اكلشي كيتجمع على لعروسة افرحو وانشطو معاها أنا لصدمني جات عندي جداة راجلي راجلي غير شافها هرب كان عارف جاية على خزيت هههههههه قالت لي اوا ساليتي آوأنا كنقفقف قلت لا راه عليا الدورة شهرية قالت لي اوا سربي شربي لكينةباش تمشي افدي دغيا انا بحالا تخلعت ابقيت اسبوع او أنا كنتعدب
المشاركة الأصلية كتبت بواسطة mari333 في عائلتنا عادة الزيف حبسات ف اوائل الثمانينات
وملي كنشوف باقي لي كايديرو هاد لمنكر كانستغرب
هنا ختي ف عائلتنا هادشي مبقاش من شحال هادي ولكن ف منطقة ديلنا مزال فهمتي