صابلي بالفرمسيل

هدا واحد الصابلي ساهل وزوين خديتو من كتاب الحاجة كلثوم

كنحتاجو
340 غ الدقيق
120 غ سنيدة
120غ الزبدة لينة
4 م ك فرمسيل الشوكلاط
2 بيضات
نصف كاس الزيت
قبصة ملح
نصف كيس الخميرة

كنخدمو سنيدة والزبدة غير باليد حتى ينساجمو عاد نزيدو الزيت والبيض وحدة بوحدة وحنا كنخلطو حتى تنسجم العناصر
عاد نزيدو الدقيق والخمرة حتى تجمع العجين
نخليو الفرمسيل اخر حاجة ندخلوها مع العجينة ومنخدموهاش بزاف باش متدوبش مه السخونية ديال اليدين
نكورها كويرات صغار ونضغطو عليهم بالمرشم وندخلوها تطيب
دابة نخليكم مع الصورتشرح المراحل كلها

هدا هو المرشم للاستعملت وكل مرة نغطسوه في الدقيق

هاهي منين طابت

كنزينوها بنقطة ديال الشوكلاط مدوب

نتمنى تعجبكم وتجربوها وبالصحة والراحة

whfgd fhgtvlsdg