سا عدوني بخصوص الغمولة

سلام عليكم ،
عافاكم عندي مشكل كبيير مع رطوبة في المنزل يعني لغمولا و خصوصا ماريو ديال لحوايج ، منين كانجبد شي حاجة نبغي لبسها كلقها عمرات بالطبايع ديال لغمولا عاد ريحة لا تطا ق ، أ حتى لخشب ديال ماريو غاامل ، عييت مانمسح أ والو ، أ جاتني لحساسية ،
عافاكم أش إمكن ندير ، صراحة ملييت
الله يجازيكم بخير

---

sh u],kd fow,w hgyl,gm

khti ana kant 3ndi lghmoula flhit onshatni wahd syda flmountada llah ijaziha blkhir b javil kadirih frchacha okatrchih 3la lblasa wllah akhti htta d9a bbtla hadchi bach n9dr nfidk

***

السلام عليكم ورحمة الله وبركاته

لغتنا هي لغة القرآن، نعتز ونفتخر بأبجديتنا
كتابة العربية بالأحرف اللاتينية تشوه جمالية المواضيع، وتفقد منتدانا هويته العربية عموما والمغربية خصوصا

لا تملكين العربية وتريدين التخلص من اللوحة؟ تفضلي من هنا..
https://www.anaqamaghribia.com/vb/sho…9246&highlight

أو هنا :
https://www.google.com/intl/ar/inputtools/cloud/try/
https://www.leclavier.com/arabe/
https://www.yamli.com/clavier-arabe/
https://www.lexilogos.com/clavier/araby.htm
https://www.arabic-keyboard.org/clavier-arabe/
https://www.anaqamaghribia.com/arabic

دليل الأعضاء :
https://www.anaqamaghribia.com/vb/sho…d.php?t=294105

الله يجزيك كل خير، لحيط ماشي مشكل ، لماري لي معدبنتي بزاف، ربي اخليك

أختي الى كانت الدار ديالك من الاحسن ديري الزليج الماريو وغادي تهناي من الغمولية والحيط الدار أما الزليج أما الصباغة المضادة للرطوبة ودائما الشراجم محلولين بالنهار

هاد المشكيل كيعانيو منو بزااف الناس خصوصا اختي حتا هيا عندها الغمولا فالدار كاملا معندها حتى حل الله يعينكم عليها يا رب

السلام عليك أ ختي أنا عندي لغمل ولكن ماشي فحالك المهم إلى خليت الحويج في الماريوو كاتكون فيهم الريحة ملي جربت واحد الحاجة جاب الله فيها التيسير هزيت شوية الجبس و زدت عليه شوية الروح ديال زيوت الأساس لي بغيتي الخزامى ولا أي نوع بغيتي و خلطت بالما و ديره في ألغليص ديال ألما ولا العصير و خليهم حتى ينشفو ولوحيهم وسط الملابس ولكن من شهرينبدلهم

اختي حتا انا بحالك تماما راه عييت بالجبص والفاخر والخزامى وبخرت بيها انا راه ديما الصابون الناس كيخبيو حوايج الصيف يلقاوهم ريحتهم مزيانة انا نلقاهم ريحتهم كاتقلب والطبايع من لفوق البض كيتحيد اما الالوان كيخسروا شحال من حاجة ضاعتلي انا ساكنة فالسفلي وماعنديش الدار مشمشة هادا هو المشكل راه حتا الكوزينة عمري شريت الحاجة بكترة كولش يغمال راه كانشري غير اللي يكفي مدة قصيرة وحتا انا درتلي حساسية ديما حلقي كياكلني ونعطس ونيفي بحال الى فيا الرواح والحل الوحيد ديال لغمال هو الشمش الى ماكانتش راه ماعمرو يتحيد والله يسهلنا فشي دويرة مشمشة

سلام عليكم، انا ساكنا فدار سفليا في المحمدية وقتلاتني لغمولييآ ومعرفت ماندير راغي كاندخل مع الباب كدرب في ريحت لغمولييآ. عيييييييييييت بنيد وروايح و والو، عاونوني لايخليكوم

أختي حتى أنا بحالك وعندي لحل لي غدي يفيدنا بجوج شحال هدى ونا كنقلب على حل والحمد لله الله هداني ليه

وهو ؛أولاً غادي تصبغي الدار بصباغة ضد الرطوبة كيقلو ليها ضد القطرة ثم تشري واحد الألة راه كايينصحو بها الأطباء ضد الرطوبة ومكتحتجش تخدمها ديمة كينا ف مرجان ديال عين برجا إلى كنت سكنة ف casa
وغدي تهني تماماً من الرطوبة وتمتع بفراشك وحويجاتك
نتمنى نكون فدتك ودعي معايا شي دعوة من قلبك هه

هاد لالة اشنو سميتها عافاك وسباغا مايمكنش نعاود نسبغ حيت يالاه سبغت دار. والله يسهل عليك اختي