السلام عليكم مبروك عواشركم , عندي بنية عندها عام و شهرين مولفة صدري بزااااااااااف مكتنعسش ايلا مرضعاتوش و مكتبغيش لي سكاتة و بغيت ان شاء الله نزيد بيبي اخر و معرفتشش كيفاش نفطمها شكون لتنصحني شنو خاصني ندير كلشي خلعني بلي راه غدا نمرض
shu],kd uth;l td hgt’hl
up
حتى انا عندي بنية فعمرها 8 شهور او هازا الهم للفطام .عندي الاخت ديالي عندها تجربة مع الاطفال…نصحتني باش ندير بالتدريج…متلا الى والفتي ترضعيها قبل لاسيست.ماتبقايش تعطيها عطيها يوغورت …وهكدا شوية بشوية حتى تقطعي لها بمرة.
فطمت بنتي تقريبا فنفس عمر بنتك لي غانصحك به هو الى قررتي تفطميها لازم تكوني صارمة منعي عليها صدرك مرة وحدة وضروري اختي من الصبر رآه غادي تقلب راسك بالبكا ومزاجها غايكون خايب حيت بالنسبة ليها حرمتيها من شي عزيز عليها بزاف وكيفما قلت ليك ماترجعيش ترضعيها واخا تبقى فيك حيت الى فكرتي تقطعي بالتدريج غادي تطول المدة واصلا هي متعلقة فيه ماغاديش تبعد عليها وغاتعذبي اكثر وثانيا الحليب كايطول فالصدر وغادي اضرها الى بقيتي تقطعي وترجعي ترضعي وخاصك تشربيها الحليب باش تعوضيها وجبن ودانون وزبادي وحاولي تشغليها كثر ماتقدرين نسيها فصدرك لعبي معاها طلعيها ولباسك لازم يكون مسدود من القدام من ناحية الصدر باش ماتبقاش تشوفو والى حاولت تطلع صدرك قوليلها كايضرك ومثلي عليها انك كاتبكي مسكينة بنتي كاتصدقني واخا كاتحماق على الرضاعة وانتي لازم تشري الشفاطة ديال الحليب باش مايضركش صدرك بقاي تشفطي الحليب وكل مرة نقصي عدد الشفطات باش الصدر يقل انتاجه من الحليب وهاكا شويا بشويا غاينشف من غير مايضرك هادي طريقتي مع بنتي
ختي الى بغيتي تفطمي بنتك خاص اكونمعاك لي اعاونك او تكوني متلا فداركم باش اجيكالفطام ساهل
خودي قطران من عند عطار اولامول الطين القطران اي كيديرو فاواني الفخار المهك غديريه فحلمة الصدرملي تبغي بنتك ترضع ديريه ملي هي تشوف داكاللون تنفر منها والى كاع رضعت غيجيها حار مبقيش تقول ليك بغيتها غتحيدها من نهاره هير هو فالليل خاصمتباتش حداك باش متنسايش وتعطيها ليه او هي تشوفها ما فيها والو داكشي باش قلت خاص لي اعاونك غير من نحيت الليل ابات معاها وغتشوفي ف اسبوع مبقيش تلقاي معاها مشكيل هكا درت لولدي ونساها فمرة كنت فدارنا وفالليل كان كيبات مع خويا صغير مع مكنش مولف انعس بوحدو
خودي قطران من عند عطار اولامول الطين القطران اي كيديرو فاواني الفخار المهك غديريه فحلمة الصدرملي تبغي بنتك ترضع ديريه ملي هي تشوف داكاللون تنفر منها والى كاع رضعت غيجيها حار مبقيش تقول ليك بغيتها غتحيدها من نهاره هير هو فالليل خاصمتباتش حداك باش متنسايش وتعطيها ليه او هي تشوفها ما فيها والو داكشي باش قلت خاص لي اعاونك غير من نحيت الليل ابات معاها وغتشوفي ف اسبوع مبقيش تلقاي معاها مشكيل هكا درت لولدي ونساها فمرة كنت فدارنا وفالليل كان كيبات مع خويا صغير مع مكنش مولف انعس بوحدو
اختي بدلي كينةر الرضاعة للعادية غادي ينشف الحليب ما تلقى ماترضع وتنساها وانت تهناي من وجع الصدر والتحجار ديال الحليب هكدا كندير لولادي
بارك الله فيكم اخواتي خففتو علي الله يعتق رقابكم من النار في هاد الشهر من ورا رمضان ان شاء الله نبدا الفطام شكرا لكم بزاااااااااف
باش ماتمرضيش وصدرك يتحجر ، نقصيلها عدد الرضعات كل يوم ، مثلا إذا كانت ترضع في الليل صافي قطعيلها الرضاعة في الليل ، وفي النهار نقصيلها مثلا كانت ترضع كل 2 ولا 3 سوايع رديها كل 5 سوايع ، ولهيها بالألعاب ، وخرجيها تلعب برا ، ان شاء الله غادي يجيك ساهل ، وحتى صدرك مايبقاش يدير الحليب بزاف ، ويتفش بوحدو ، مرات لوسي وصل ولدها عامين قطعاتلو بدون مقدمات ، كان يحمآآق على الرضاعة ، كل شوية يرضع والليل كامل يرضع ، شداتها وخلطات الكمون مع الماء ، وطلاتو للصدر ، وصافي عافو مابقاش يدور جيهتو ، ومابقاش يسقسي فيها كاع ، ولكن تحجرولها وصبرت ، غير شي 5 أيام ولا أسبوع وان شاء الله تولي مزيانة
ااااااااه ياربي عرفتو غير كنقول نبدا نلقاها متعلقة كثر و كثر راه ولات كضرب على صدري باش نعطيها راه دايراها بحال السكاتة و الحليب عندي مزال كدفق انا بغيت نكمل ليها 2 عام الرضاعة و لكن الراجل لقالي صافي بغينا و ليدات اخرين