من طرف amanarre
السلام عليكم و رحمة الله و بركاته
اهلا اخواتي العزيزات كيفكم مع رمضان, يا ربي تكونوا كلكم بخير و على خير, امبارح درت دجاجة بالشيبس
لانني عييت من نفس الطريقة ديال الدجاج فحبيت نغير شوية, نبداو باسم الله
المقادير
دجاجة كيلو و نصف محيدليها الجلدة
2 الحامض
ملعقة كبيرة موطارد
ملح, ابزار
3 تومات انا نسيت مصورتهمش
2 باكيات الشيبس ديال درهم او ممكن تستعملى الشيبس الي تتبغي
تقريبا 2 ملاعق كبار الزبدة العادية
بطاطا, بصلة مقطعة جنيحات
نبداو ناخدو الشيبس ندقوه مزيان حتى يولى مفرتت
ناخد الدجاجة نزيدوا عليها الحامض معصر و التومة, شوية الملح منكتروش و ابزار و الموطارد, نتركوها واحد الساعتين تقريبا
من بعد ندبوا الزبدة و نبداو ناخدو الدجاج نديروه فى الزبدة و الشيبس كبحال الصورة
نوضعوه فوق الطبق الي غادي نديروه فى الفرن, نفرشو البصل و البطاطا و يكون طبعا الطبق مدهون بشوية الزبدة
نديروا جميع الطروفا ديال الدجاج بالشبس بهاد الشكل و نغطيوه بالورق الالمنيوم و ندخلو اطيب
نسيت نقليكم اخواتي نديرو مع الدجاج كاس ديال الماء عاد ندخلوه الفرن
هدا هو الشكل ديالو مني تيطيب
ممكن ترافقيه مع اي سلطة
و بالصحة و الراحة
][h[ fhgadfs w]r,kd jd[d ai,m lk, jp]n
