دجاجة معمرة ومبخرة او محمرة كيف بغا الخاطر من عند ام وصال

السلام عليكم انيقاتي

اليوم حبيت نشارككوم بالدجاجة ظ…ط¹ظ…ط±ط© او مفورة او ظ…ط­ظ…ط±ط© فالفرن بطريقتي

كنتمنى تروقكوك او تجربوها لانها كتجي بنينة او بزااااااااااااااااف

نبداو على بركة الله
اول حاجة نعملو قشيوشات الدجاجة فكسرونة فيها ماء وعصير الحامض وشوية من ورقة موسى فوق النار حتى يتسلقو

وايضا نوجدو الشعرية الصينية نصبو عليها ماء طايب مع قليل ملح وورقة موسى نخليوها حتى ترطاب ثم نصفيوها ونصبو عليها ماء بارد باش متجيش معجنة
من بعد ناخدو طبسيل نعملو فيه شوية ابزار وكمون وتحميرة واسكنجبير وشوية الزعفران الحر (الى موجد) شوية مصير مقطع رقيق والثوم محكوك شي 2 ضريسات وايضا قزبور ومعدنوس مفرومين وورقة موسى شوية منها مفرتت شوية ثم نجمعو هادشي بعصير الحامض او واحد المعلقة دالماء

من بعد نقسمو ها على 2 النصف نمرمدو فيه الدجاجة من الخارج والداخل ندهنوها كلها مزيان والنصف الاخر نضيفو عليه الشعرية الصينية من بعد متسقطرات مزيان او قطعناها صغيرة والقشاوش مقطعين صغار والزيتون بلاعظم حتى هو مقطع صغير وقليل من السودانية غبرة نخلطو هاد الحشوة مزيان او نعمرو بيها الدجاجة

ثم نعملوها فالكسكاس انا عملت معاها جزر مقطع طوليا والبطاطا حتى هي مقطعة اصابع خلطهوم بشوية ديال الكامون والملح

من بعد نعملو فالبرمة الماء مع هاد الاعشاب وهدا هو سر البنة هههههههههههههه بصلة نتكو فيها واحد 4 دالقرنفلات او 5 ورقة موسى عريشات دازير حبة هيل وحبة بديانة او منساوش نعملو شي طرف حامض مع العصير ديالو باش متكحالش لينا البرمة

ثم نعملوها فوق البوطة ملي تدخلها العافية نتكوها بقضيب من جهة الفخاذ وراه وضعتها على صدرها (الصدر هو لي لتحت)او نخليوها حتى تطيب او تنشف من الماء يعني متبقاش تطلق الما ثم ندهنوها بخليط من شوية دالزبدة وشوية سمن وشوية كنور او (الموطارد وشوية زيت ) انا مكنعنديش الموطارد نخلطو هاد الخليط مزيان او ندهنو الدجاجة من جميع الجوانب او ندخلوها تتحمر وايضا الخضر نستفوها فمقلة او لاطة او نرشوها بشوية دزيت العود او ندخلوها للفرن حتى هي حتى تحمر شوية او نقدمو بالصحة والراحة

من بعد نعملوها فوق النار او ملي يدخلها الطياب نتكوها بقضيب من جهة لفخاد او ملي تطيب ندهنوها بخليط قليل من كل من الزبدة والسمن وكنور نمزجوهوم مزيان او ندهنوها مزيان من جميع الجوانب او ندخلوها للفرن تحمر

][h[m lulvm ,lfovm h, lplvm ;dt fyh hgoh’v lk uk] hl ,whg kshx