اخواتي العزيزات شفت في الاخبار فى ربورتاج مع المعانات مع البرد شى فورنوات صغار كيشعلو بالخشب كيسخنو بهم وكيطيبو بهم الخبز وختى الكوكوط نتمنى من الاخوات ديال تلك المنطقة ايحطو لينا الصور ويتكلمو لينا عليه تمنه شكله كيفية التعامل معه واش هو موجود في كل مكاناوخاص في تلك المنطقة مع جزيل الشكر
hgn s;hk hgh’gs hgwydv hld w;hk
up
اختي جيجيتا هادوك الفرنوات راهم في الاطلس المتوسط عندنا هنا خاصك ديري ليه تقب في السقف منين يدوزو الجعاب الي يخرجو الدخان وراهم كيسخنو وفيهم انواع واشكال الاشكال لي مزوقة راها ب 300 درهم والاشكال البسيطة ب 200 درهم غير خاصك تشري العود بزاف راه على الاقل الى تشعليه غير في الليل خاصك قفة كبيرة ديال العواد وعاد ماتشريش ديال القصدير راه يخرج الدخان عندك ونتمنى نكون فدتك اما فاين تلقايهم ميدلت خنيفرة ازرو المهم الاطلس المتوسط
المشاركة الأصلية كتبت بواسطة هداية 3 
اختي راه كاينين صغر من هادا هادا راه غابة ديال العواد ماتكفيه هادا كيديرو غير لي ساكن حدا الغابة ويحطب يوميا وعاد انو غالي المهم الله يصاوب ونكونو فدناك انا والاخت هداية الي مشكورة حتى هي
الاخوات ريم وهداية شكرا جزيلا على الجواب الكافى ونتمنى الله يصبركم على البرد ويعاونكم انا شفت هاد نوع من الفرنوات في الاخبار واعجبنى حيت شفتهم طيبو الخبز والكوكوط في مرة واحدة وبدون دخان الله يخليكم عندى سؤال واش هاد الفران متلا وصيتي عليه مول القصدير غادى يصابو ام يباع جاهز وسمحو لي على كترة اسئلتى
السلام اختي سمحي واخا الرد ديالي دا معطل شوية ااه راه توصي عليه هنا عندنا غير الحداد هو الي يصاوبو وفي الشكل الي بغيتي غير القصدير مايصبرش للحرارة بحال الحديد واحد النهار يتعوج ويخرج ليك الدخان
كاين واحد شكل ديال لافونت كيشد سخونية ماكايحرقش لحوايج ..ههههه حيث أول مرة استعملتو فورنو عادي حرق لي بينواراتي من تحت كندوز من حداها تيشد في حوايج ….كنطيب فوق منو ماكلة ،الماء دائما كيكون سخون كاين للي كيدير حداه حبل ينشر فيه لحوايج ،كنحط حداه صبابط محفظة للي فزقو بشتا ……إلخ