المقلوبة بالدجاج بالصور السلام عليكم و رحمة الله و بركاته 
المقادير:دجاج حسب الاشخاص + البصلة + الفلفلةحمراء وخضراء + بطاطا + وكندير حتى الدنجال غير مدرتوش اليوم + مطيشة د الحك + روز بسمتي ناخد الدجاج ونضيف البصلة شنايف رقاق والزيت الرومية و البلدية + ملح + ابزار+ كامون + تحميرة + سكنجبير+ خرقوم بلدي + زعفران حر+ راس الحانوت د المروزية + شوي د مطيشة د الحك + معدنوس نشحرو الكل ونرويو وفاش يطيب الدجاج نزولوه ونتركوه يبرد ونخليو المرق حتى يختار مزيان كيف الصورة ونرجعو ناخد الفلفة ونشويوها ونقطعوها مربعات صغار ونشحروها فالزيت البلدية شوي كامون وملح حتى تنشف من الماءوناخد البطاطا ونقطعوها دوائر ونقليوها (والا كان الدنجال نقشروه ونقطعوه طرونش صغار و رقاق ونقليوه) ثم ناخد الروز (لكل كاس روز كاس ونصف ماء) +زيت رومية+ملح+ابزار+زعفران حر+شوي راس الحانوت+قبصة قرفةونخليو الروز حتى يطيب ينشف ونرجعو نقليو الدجاج اوندهنوه بالزبدة وندخلوه للفرن ثم ناخد انية غارقة ونغلفوها بالالمنيوم ونستفو فيها الدجاج والفلفة والبطاطا وحتى الدنجال الا درتيه ونغطيو بنصف الكمية د الروز ونعاودو نستفو الخضار ونفرقو لاصوص د الدجاج بالمعلقة ونغطيو بالنصف الاخر د الروز ونقلبوه في طبق التقديم ونرشو باللوز ايفلي محمر الا بغيتي وتقدميها مع سلطة والصور يشرحو اكثر وبالصحة و الراحة كنتمنى تعجبكوم و تجربوها راه فعلاكتجي بنننننننينة 
منقول
hglrg,fm fhg][h[ fhgw,v
الله يعطيك الصحة!!
شكرا اختي على النقل المفيد
تبارك الله عليك الحبيبة
الله يعطيك الصحة!!
تبارك الله عليك كتعجبني هذه الأكلة بزاف وحتى أولادي كيموتو عليها كاتجي بنينة انا كنضيف ليها حتى القرفة عواد وحبات القرنفل كيعطي نسمة غزالة
الله يعطيك الصحة 
تبارك الله عليك 