الڭلية ديال القمح بالمراحل المصورة كالعادة

هي صحية بزاف و مفيها لا دهنيات لا اضافات و سهلة جدا و منافعها كثيرة
ان شاء الله نكون وفقت فالشرح
للعلم الطريقة خذيتها من اماما الله يحفظها و ينولني رضاها دنيا و اخرة
مع بعض الاضافات من عندي باش نسهل عليا التحضير (العڭز و ميدير ههه)

قمح حبوب كاملة

ماء

ملح او بدون ملح حسب الذوق

اولا طبعا ناخذو حبوب ط§ظ„ظ‚ظ…ط­ نقيوها و نغسلوها مزيان

من بقايا الاتربة حتى يتنقى و ميبقاوش فيه شوائب كيف مبين فالصور

بعدها شدي ط§ظ„ظ‚ظ…ط­ حبوب صاينين (يعني كاملين)

بيتيه فشوية الماء مملح او غير مملح غير قياس الماء للي يشرب ط§ظ„ظ‚ظ…ط­
و الصباح غتلقايه شرب داك الماء و تنفخ و كبار فالحجم ،

خوذي مقلة (مقلة وجدة الثقيلة) او مقلة طين او اي مقلة عندك

ديري فيها داك ط§ظ„ظ‚ظ…ط­ الى بغيتي ممكن تملحيه حسب ذوقك لو معملتيش ليه الملح فماء الترقاد ، او ممكن تخليه مسوس دون ملح حتى مسوس كيجي لذيذ لان ط§ظ„ظ‚ظ…ط­ فالاصل طعمو حلو

و على نار مهيييييلة بقاي تديه و تجيبيه

دون التوقف عن التحريك

غيبدا ينشف من الماء و يتغير لونو و حتى حجمو يبدا يزيد اكثر

استمري فعملية التحريك على نار مهيــــلة حتى يتڭلى و تتفرڭع الحبات ،

طفي عليه و خليه يبرد و ديريه فشي بواط محكمة الاغلاق باش يبقى مڭرمل و مقرمش

و هنا صور كتبين الحبة ط¯ظٹط§ظ„ ط§ظ„ظ‚ظ…ط­

كيف كانت فالاصل و كيف كبرات و ولات بعد الترقاد و الڭلي

حاولت نصورها قريبة باش تبان ليكم قداش كتولي الحبة

تقريبا كيتضاعف حجمها 3 مرات

ممكن يتقدم فاي وقت

فالڭوتي او مع كويس اتاي او قهوة او كڭرينيوتاج

و ممكن تاكلي منو وقتما بغيتي لان حبوب ط§ظ„ظ‚ظ…ط­ عموما صحية و ط§ظ„ظ‚ظ…ط­ مڭلي كينفع المعدة بزاف و كيعاون على الجير او كيف كنقولو الحرقة

و بالصحة و الراحة

ان شاء الله تكون الطريقة واضحة و تجربوه و تردو عليا خبر لو كنتو من محبات القمشة و الحبوب الكاملة

نفس الطريقة ممكن تعملو بيها حبوب الشعير او حبوب الخرطال او حبوب الفارينة او غيرها من الحبوب

اللهم ادمها نعمة و بارك لنا فيها و اكتب لي بها حسنة ترضاها و اجعل فيها الصحة و العافية

الله يرزقنا و إياكم خيرات الدارين و لا يحرمنا من طيبات الجنة و نعيمها
دمتن في رعاية الكريم
اختكن أمنــار
أم ريـَّــان

وعليكم السلام ورحمة الله وبركاته