الكسوة طلقات عليها شي حاجة

السلام عليكم انا كل ما نصب شي كسوة خصني ضروري منضيع كسوة ديال راجلي هههه
مسكين كاع قميجات صيعتهم وخا كنزول ط§ظ„ظƒط³ظˆط© الي كطلق واحد نهار صبنت ليه سروال عاد جديد ودرت معاه يمكن شي شال احمر معرفتش انو كيطلق وطلق فيه كاع ضاع وبقى فيه وش كاين شي طريقة باش نزلو كن غير كان ابيض نديروا جافيل

---

hg;s,m ‘grhj ugdih ad ph[m

ان شاء الله تلقاي الجواب من الاخوات .

صبغيه بلزرق أو لكحل وحاولي ماتبقايش تخلطي لوان علزلي عاد صبني و لشكيتي فيها كتطلق جربيهابيدك فركيها شويا لماطلكتش لوحيها معا لحويج تصبن عادي ولاطلقات معليك غير لفريك بيدك هههه

اختي كنت خديت واحد الفكرة منهنا من المنتدى وجابت نتيجة
تشدي كسونة كبيرة وديري فيها الماء يغلي وتزيدي فيها الصابون نتاع التصبين ودري السروال ديال راجلك فداك الماء وخليه يغلي شوية سبحان اللع كيبقى يتحيد منو داك اللون لي طلق فيه راها عن تجربة ان شاء الله تجيب معاك حتى انت نتيجة

ختي عزلي اللوان لبيض بوحدو والمغلوقين بوحدهم والفاتحين بوحدهم المغلوقين بحال لحمر ولكحل ولزرق ولخضر مغلوقين بزاف اكترية كيكونو كيطلقو انا لكنشك فيه كنجربو

جزاكي الله خير على الافادة

السلام عليكم
عمرني جربت شي حاجة أسفة

أختي هادي عقوبة ههههه باش لمرة جايا تعزلي لكسوة عاد تصبني
جربي طريقة الريفية على الله

وانت من اهل الجزاء يا رب شكرا ليك الحبيبة على الدعيوة الزوينة بحالك

ان شاء الله شكرا لمرورك

فين غدي نلقى هاد صباغه ختي
كنت كنعزلهم ولكن فاش نجي نحطهم في البانيو كبير باش نشرهم كنحطهم جميع ويخلطو ويطلقو

راني جربت طريقتك احبيبة وكنت طولت عليه يعني حتى باتت الصبغة وعاد درت طريقتك ونقص شوية وخا بقى ف يه ولكن نقص شكرا الله يجازيك كل خير

هاد مرة منصبنهمش في مرة نصبن شوية بشوةي ونعزلهم

شكرا لمرورك

وعليكم السلام
هانية غير اضحك علي ههههههه
راه كنعزل الكسوة فاش نشللهم كنحطهم على كرسي باش يقطروا شوية وكندير وحد فوق واحد تما الي كيطلقو هاد مرة منعاودش هههههه عمر داود ما يعاود