سلام ط¹ظ„ظٹظƒظ…
قربات خطوبة ديالي وبغيت تقولوا لي اشنوا كيتلبس في خوطبة شحال من لبسة وكلشي تساعدوني وشنوا كيدار بحال الماكلة و حلويات وشنوا كيجيب العريس الله يجازيكم بخير
hgsghl ugd;l
إن شاء الله لبنات يعاونوك 😉
والله يكمل ليك كلشي بالف خير حبيبتي
ولكن ماقلتيش لينا واش الخطوبة الكبيرة هذه زعمة تخطبتي من
قبل وعطيتهم الموافقة
جاوبني ونعاونك ان شاء الله
هدي هي الخطوبة الكبيرة وقررنا نديروا عقد الزواج 🙂
وفينكم البنات جاوبوني
وفينك اخت امورة جاوبيني را مابقا والو لخطوبة ديالي:d
مرة اخرى حبيبتي امونة الف الف مبروك و اللله يكمل
عليك كلشي بالخير..سمحي لي اختي تعطلت عليك راك
عارفة مع المشاغل والوقت كيدي بنادم.
بالنسبة للخطوبة الكبيرة حبيبتي كل واحد و شنو كيدير فيها..
لكن المتعارف عليه بالنسبة للماكلة ان العريس هو اللي
كيجيب كلشي من ذبيحة و دجاج و خضر( البرقوق و
الزيتون المعلب) و المونادة و الديسير و التمر و الحليب
ومشموم الورد حبيبتي و الحنة ..ولكن هذا كله يتوقف على
عدد الافراد ديال عائلته اللي غادي يجبهم معاه, حيث يلا كبر
لازم يجيب كبش اما الدجاج و ما تبقى على حسب عدد
المعروضين.
وحاجة اخرى ان شاء الله يشري ليك الخاتم + لبسة انتي
واللي بغيتي اما جلابة او اللي حبيتي(لبسة مكمولة يعني
بالسباط+ الساك) اما يلا كانت حالته المادية مزيانة راه
بامكانو يشري ليك اكثر ربما قفطان او تكشيطة…(لكن
نصحك ديما تراعي الحالة المادية للزوج).
اما بالنسبة لديك الليلة يلا كنتوا غديروا دكشي كبير زعما
حفلة كبيرة لازم حبيبتي تكري لبيسات على حسب جهدك
اما زوج او ثلاثة و تصيبي شعرك يلا كنت غير محجبة+
المكياج عند الكوافورة باش تباني غزالة ان شاء الله.
اما عائلة العروسة راهم كيوجدوا الحلوى اختي و كيجيبوا
الطباخة الي غادي تطيب ديك الليلة ويلا بغيتوا تزيدو شي
ماكلة البسطيلة مثلا…+ توجدوا ما غيتحط في الكاسكروط..
المهم ديك الليلة ديال العقد كل واحد كيدير على حسب جهدوا
وعلى حسب المدعويين.
كل ما اتمناه لك ان الله تعالى يسخر ليك ويكمل عليك كلشي
بالف خير ويكون زوجك ولد الناس و كيعرف الله لان كلشي
كيتسلى كتبقى الاخلاق ديال الزوج و الزوجة..
الف الف مبروووووووووووك من جديد الله يسخر اختي
ويلا بغيتي شي تفسير انا ليوم و غدا ان شاء الله نكون
حدا ps.
تفضلي هديتي المتواضعة..يويويويويويو…
الصلى و السلام على رسول الله…:):)
الله يكمل ليك كلشي بالف خير
ويسعدك و يهنيك ويرزق بالذرية الصالحة