الرضيع واشغال الدار دخلو فكوني

---

hgvqdu ,hayhg hg]hv ]og, t;,kd

50 mocha hada
wala jawab

السلام عليكم اختي الحمد لله على سلامتك في الصراحة التربية صعيبة وبزاف. حاولي اول حاجة ترتاحي منين ينعس البيبي ارتاحي حتى انتي شويا انا داكشي اللي تندير مرة تنعس او مرة تندير شغالي بالزربة وربي يعاون الجميع بالنسبة لبروغرام يومي كل نهار وكيفاش مرة تتنعس ليا في النهار تندير شغالي على خاطري مرة والو ايوا الله يصبرنا كلشي تيدوز

عن طريق : samsung – SM-T310

على سلامتك ومبروك الزيادة
اهم حاجة تنظمي وقتك ووقت نوم الرضيع ديالك حاولي تخليه يبقى ينعس الليل باش ترتاحي
ووقت نومه ديري انتي شغالك
وربي يكون معاك

اول حاجة حاولي تنظمي نوم الرضيع دخلي يوتوب وكتبي طرق تنويم الرضيع وكل ما يتعلق بالنوم وحاولي تقضي اغلب الاشغال بالليل ملي يكون زوجك في الدار يشد عليك تربية وانتي اقضي الاشغال اللي تقدر تعطلي فيها بالنهار انا سبق لي شاهدت فيديوهات على جعل الرضع ينامو مدة طويلة لانه لازم اختي تنظمي سلوك بنتك او ولدك وتبرمجي الدماغ ديالو على مجموعة من الاشياء ما تبقايش غير عشوائية بحثي في جوجل واليوتوب وتلقاي العجب

اخت الحمد لله على سلامتك حاولي تقادي نعاس ولدك ونصيحة ماتعلميهش الهزان بزااااااف غادي توحلي رضعيه ولعبيه حركي ليه يديداتو ورجلاتو الا ماتعرفيش دخلي اليوتوب وشوفي الطريقة وحركات دائرية للكريشة باش تساعدي حتى الغازات يخرجو ونزليه فبلاصتو الا بكا شوية ماشي مشكل كيف كان قالي مرة طبيب الاطفال ديال ولادي البكا ماكيقتلش بالعكس كيفتح مجاري الهواء وكيخدم رئتيه مزيان غير هو ماشي تخليه مسكين يطيب بالبكا ههههه وملي يكون ناعس او يكون راجلك معاك قدي الشغال غادي توقفي تطيبي طيبي مزايد والي شاط للكونجلاتور نهار مايصلاحش لك تطيبي جبدي وسخني ونفس الشي للعجين عجنتي الخبز صوبي معاك كيكة او من العجينة خرجي ملاوي ينفعو للكوتي انا هكذا كنت ندير وربي عوينك ونظمي تخمالك كل نهار لبيت وخصوصا دابا البيبي صغير ماعندك لي يرون وحضي راسك انتي اياه من البرد

الله يسلمك داكشي لي كايه غير صبر كلشي فايت

الله يسلمك
لمشكيل هو نوم غانحاول

merci azin

الله يسلمك
علمتو لهزااااان ههه