الرضاعة و الحمل

البنات انا عندي ولد عندو دبا عام و كيرضع ليل و نهار و ميمكنش ينعس بلا متكون البزولة في الفم ديالو المشكل دبا انا حاملة اليوم درت التحليلة و تفقصت مكنتش عوالة على ط§ظ„ط­ظ…ظ„ غير مكتاب دبا قولو لي اش ندير الله يرحم الواليدين

---

hgvqhum , hgplg hg[lg

أختي مبروك الحمل الله يتم ليك على خير
بنسبة لولدك ضروري تحيديها ليه متعتهاش ليه واخا يبكي ، حاولي تلهيه ب أي حاجة راه غد يبكي ولكن ميكي عليه ، حاولي معاه ياكل لماكلا وعطيه رضاعة راه مع لوقت غد ينسى
إلى كانت ماماك ساكنة حدك tdih عندها شي يمت بينما نسا شوية

السلام حبيبة مبروك عليك الحمل متفصيش راسك حيت هدا مكتاب الله و كون مكانش رزقو فدنية كاع مغدي يجي ليها قدر الله و ما شاء فعل دابة احبيبة فرحي و دعي الله يكملعليك بخير, حتى انا وقع لي نفس المشل ديالك و جاتني ف ضروف صعيبة بزااااااااااااااااااااااااااااااااف انا خدامة و لوليد صغير و كنت كنقلب على لكرا و مامستقراش و كنكمل قرايتي فالكلية فاش عرفت راسي حاملة زطمت على كبدتي و ديت ولدي عند ماما لمدينة اخرى باش نفطمو مع العلم انني عمري مفرقت ولدي من نهار و لدتو خليتو عندها عشرين يوم حتى نسى على الرضاعة, الي نصحك بيه ا ختي هو حااااااااااااااااااااااااااولي تفطمي ولدك حيت حليب الغيال صعيب و صبري و ربي يفرج من عندو, حيت حتى هدا راه قضاء و قدر و خاص المؤمن يتقبلو الله يفرحك بو ليداتك

اختي حتى انا حملت وباقا كانرضع ولدي قالتلي الطبيبه ماشي مشكيل ترضعيه واخا حامله والهدره لي كنسمعوها فالمغرب بلا مخصكشي ترضعي حيت حامله فهاد المعلومه غالطة
الطبيبة غادي تقولك ادا قدرتي فطميه ماشي حيت الحليب ديالك رجع ماشي مزيان لكن حيت نتي بزاف عليك الحمل والرضاعة خصك تكلي مزيان وتعوضي النقص بالفيتامينات
ادا يله عرفتي راسك حامله و ولدك متعلق بزاف بالرضاعة فمن الاحسن تبقاي تنقصي عدد الرضاعات بالتدريج والرضاعة بالليل خليها اخر وحده عاد فطميه