السلام الحادكات عندي سؤالين الى جات على خاطركم الؤال الاول اسهل طريقة لتفسيخ ط§ظ„طظ…طµ والسؤال الثاني شي ناس جابولي شي بيض بلدي اشنو يدار بيه من غير الاكل والحلويات؟؟ وشكرا لكم مسبقا
hgplw ,hgfdq hgfg]d ??
الحمص معندي حتى فكرة انما البيض البلدي تقدري تعملى بيه ماسكات للوجه وللشعر مثلا للوجه كنت كنستعملو مع القرفة مطحونة ماسك وكوماج في نفس الوقت للشعر مع زيت الزيتون وبنانة كيعطي لمعان وكيرطبو .
وعليكم السلام ورحمة الله وبركاته بخصوص الحمص فاش تفزكيه ليلة كاملة من بعد عمليه فشبكة يتسقطر ومن بعد عمليه فبلاستيكة وحطيه فكونجيلاتور ومن بعد بقاي تاخذي القياس لبغيتي حطيه فالما وفسخيه دغيا تيتفسخ هدشي لتندير ليه انا وبخصوص البيض البلدي كيف قالتليك الاخت قبل مني استعمليه فوصفات لشعر والوجه
نفس الشي بالنسبة للحمص فحال للاخت اغيام تماما كنعملو كامل ف الكونجيلاتور ف ميكة مسدودة وكل مرة كناخد القياس وهاكدا ما كيجيش صعيب وبكمية قليلة ودغيان كتزوله القشرة
بخصوص الحمص كيتفسخ بسهولة بعد اتجميد كيف ماقالو ألاخوات وهناك طريقة أخرى كيعتامدوها البعض .كيستاعنو بحكاكة ديال لمطيشة يدوزو فيها لحمص بلفريك ويتفسخ البيض البلدي مهم جدا في أقنعة الشعر وماسكات للبشرة لأنه يحتوي على نسبة مهمة من البروتينات وهذا ما يفتقر إله جسمنا غالبا
جزاكم الله كل خير كلكم على الافادة اللي فدتوني الحمص كانعرف طريقة الحكاكة وطريقة غربال الكسكس غير قلت يمكن كايو طريقة اسهل يعرفوها الاخوات والبيض عمرني استعملته للجمال الله يجعل كل من جاوبتني وكل من دخلت موضوعي تدخل الجنة بلا حساب ياارب