الحاملات البعيدات على اهلهم عاااافاااكم دخلو

السلام عليكم انا حاملة و دخلت في الشهر السابع دابا و ساكنة في مدينة بلفاع نواحي تزنيت و اسرتي ف الدار البيضاء جيت الهنا مللي تزجت هادي عام و شهراين عندي اختي الكبيرة حتى هي حاملة و اليوم ولدات وليد و مللي عيت ليها و لماما و راجلها لقيتهم كاع مجموعين عندها فالكلينيك اخواتاتي لاخرين و بابا و ماما و ناسها و بقيت انا بوحدي اللي ممعاهاش زائد اول مرة انفكر انا مللي نولد شكون ايجي لعندي و ابارك ليا و انا غنولد مابين شهر شتنبر و اكتوبر و هوما كالو ليا راه مغنجيو حتى تولدي حقاش ولادنا غيكونو تيقراو و الله كنكتب و نبكي بقاااااااااااااااا فيا الحال و بزاااااف حينت الوحم جاني صعييييييب و دوزتو بوحدي و دابا غنوجد بوحدي و نولد بوحدي و انا عارفة مللي تتولد شي و حدا ف خواتاتي لاخرينات تيبقاو ايجيو عندها يوميا حتى تكمل عشرة ايا م و انا قبل لانزوج كنت تنبقا عندهم يا انا يا اختي الصغيرة حتى تدير السابع كيف تا ديو انتوما وانتوما بعاد على اهاليكم عاودو ليا و لا نصحوني على الاقل منحسش براسي و حدي والله انا اختي ديما كنت ندعي ليها و فرررررررحت ليها بالحاق ربي كبير معندي كيف ندير نمشي انشوفا

---

hgphlghj hgfud]hj ugn higil uhhhhthhh;l ]og,

ما خفتي والو ملي تولدي إنشاء الله غادي يجيو الاحباب لعندك الله يفك على خير واختك على سلامتها

انشاء الله يا اختي ام صوفيا عائشة لهلا اخطيك هدا المضنون فيك الله اسلمك و اخليليك ما اعزيز عليك

أخت الكريمة الله يفكك على خير نت في المغرب وكتقول بحدك ٱنت عل أقل في بلادك حتى أنا حاملة وقربة وغنولد هاد الشهر إنشألله وكين في الغربه وبحدي كنفكر غالله يفكن بخير نشالله تولد علي خير ويجيو عندك كل حبابك

اختي حمدي الله لي انتي فالمغرب انا داخلة شهري ثالث ودابا 15يوم ناعسة فالمستشفى حيت جاني لوحم صعيب وهنا غير انا ورجلي حت لغة مكنعرفها الله يعفو أعلينا من هاد الغربة يارب

salam akhti 9rit mawdo3k otah 3liya dim htana daba fchhar 8 mnin kanfaka nwlad omanl9a hbabi bjanbi kanb9a rinbki hta 3dozti lkant frhana biha nzlat lmakhrib kalt liya khalit dari ribach mathdar liya wana daba kanfaka ila jani lwja3 lman nrali waldi 3ado 3sanawat walah akht ila kanktb okanbki ozadtni hta 3dozti lmchat okhalatni smhili akhti dralt lmawdo3k o9albi tayb

الله كبير متبكيش و فتقضي راسك و نتي حاملة فكري فاللي مغربين على برا و عندهم غير الله دبا تولدي نشا لله و تفرحي و يجئ ولدك و لا بنتك يوانسوك و يعمرو عليك الدار بغيت نسولك واش متقدريش تمشي تولدي عند ماماك

الاخوات manal2019وsond12وal3amriya ربي افكنا على خير و ارحم واليديكم على رودكم اللي بردتلي قلبي و دابا خاسة براسي ماشي بوحدي و بانكم كلكم معايا كل واجدة في بلاستها لهلا اخطيكم اختي هداية ربي ارحم باباك على ردك انشاء الله الله افك كل واحدة اللا منقدرشي نمشي لدارنا قلتها لراجلي و لكن مبغاشي حينت حتى البني خدامين فيه تنكملو الدار التحتانية و مبغاش اخليني نمشي

الله يا الحبيبة أش نقولو إحنا حملنا و توحمنا وولدنا و رانا نسهرو وحدنا فالغربة و ماشي نفس اللغة غير الهندية و الانجليزية و الشينوية و لا جار و لا من يسول فينا حمدي ربي انتي فالمغرب غادي ربي يفكك على خير و يجيو الناس عندك ما تفكريش هدا ماشي مشكل فاش تولدي تشوفي كبدتك تنساي كل شيء
الله يفكك على خير

سلام الله يفك وحايلك و وحايلي على خير حمدي الله نتي غا ف ل مغرب و غادي يجو ورا لولادة أنا أختي ساكنة ف كندا و لوحم منقولكش كي داز ولله تا شفت لموت بن عيني حتى من صبيتار نعست فيه و ماعندي لا سحابات لا عائلة لا والو أنا و راجلي فقط ماكيجي عندنا حد ماكانمشيو عند حد يعني حتى نهار نولد مكينش حتى لي يجي يقول مبروك زيد أنا ماما ماغاديش تجي لعندي إوا و غادي نولد وحدي إوا نزيدك ولا باراكا ههههههه خليني ساكتة من صباح و أنا نبكي